Брэст: абласны суд не задаволіў скаргу незалежнай журналісткі

2013 2013-05-07T08:20:36+0300 1970-01-01T03:00:00+0300 be http://spring96.org/files/images/sources/haritonava-milana.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мілана Харытонава

Мілана Харытонава

Фотакарэспандэнт газеты “Брестский курьер” Мілана Харытонава спрабавала дамагчыся перагляду рашэння суда Маскоўскага раёну г.Брэста наконт абароны гонару, годнасці і дзелавой рэпутацыі.

Адказчыкам па гэтай справе з’яўляецца карэспандэнт дзяржаўнага выдання “Брестский вестник” Уладзімір Міневіч, які ў мінулым годзе змясціў зневажальныя каментары ў дачыненні да незалежнай фотажурналісткі на адным з інтэрнэт-парталаў. Суд першай інстанцыі адхіліў пазоў Харытонавай, спаслаўшыся на тое, што адказчык мае канстытуцыйнае права на свабоду слова.

6 мая, падчас разгляду касацыйнай скаргі ў абласным судзе, Мілана Харытонава спрабавала давесці, што нават у лінгвістычнай экспертызе, зробленай па замове суда, было пазначана, что выкарыстаныя Міневічам выказванні могуць абурыць чалавека, прынізіць яго гонар і годнасць. Тым не менш, абласны суд пакінуў без зменаў рашэнне суду Маскоўскага раёна г.Брэста.

Незалежная журналістка ўпэўненая, што калі б такія выказванні тычыліся каго-небудзь з чыноўнікаў ці тых жа суддзяў, справа мела б зусім іншы вынік. Мілана Харытонава паведаміла, што мае намер працягваць абскарджваць, на яе погляд, неабгрунтаванае і палітычна матываванае рашэнне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international