Бяроза: інфекцыйныя свінні пойдуць у тушонку

Сярод жыхароў Бярозы распаўсюдзілася інфармацыя, што на мясцовы мясакамбінат машынамі вязуць яшчэ жывых свіней з свінакомплексу “Усходні” Баранавіцкага раёна, дзе ў жывёл, па афіцыйнай версіі, выяўлены рэспіраторна-рэпрадуктыўны сіндром свіней.
Нягледзячы на тое, што намеснік дырэктара па  па маркетынгу і вытворчасці Анатоль Проц катэгарычна абверг інфармацыю, іншыя адказныя супрацоўнікі мясакамбінату падцвердзілі, што завезена 4 тысячы такіх свіней. З іх на мясакамбінаце здохла 4. Іх адправілі на  Бярозаўскае  прадпрыемства па пераапрацоўцы другаснай жывёльнай сыравіны “Сарыю” на мясакосную муку. Праўда, запэўнілі, што гэта мяса не пойдзе ў каўбасы, а толькі ў тушонку, якая будзе адпраўлена на свінакомплекс і тыя будуць самі прадаваць. Сцвярджаецца, тушонка будзе бяспечнай, паколькі мяса праходзіць стэрылізацыю згодна ўстаноўленых ветсанправіл.