Брэст: першамайская дэманстрацыя дазволена ўпершыню за апошнія 11 гадоў (фота)

2013 2013-05-01T16:06:46+0300 1970-01-01T03:00:00+0300 be http://spring96.org/files/images/sources/brest-oershamaj-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Упершыню ад 2002-га году ў Брэсце адбылася дазволеная ўладамі першамайская дэманстрацыя, якую ладзілі прадстаўнікі дэмакратычных сіл. Арганізатарамі акцыі былі напярэдадні заключаны дамовы з органамі унутраных спраў, установай аховы здароўя і камунальнымі службамі, што з’яўлялася патрабаваннем гарвыканкаму для дазволу мерапрыемства.

Паводле дадзеных арганізатараў, а гэта былі мясцовыя актывісты Беларускай сацыял-дэмакратычнай партыі (Грамада), удзел у дэманстрацыі бралі каля 200 чалавек. Акрамя сацыял-дэмакратаў на мерапрыемства прышлі сябры Партыі БНФ, Беларускай партыі левых “Справядлівы свет”, прадстаўнікі грамадзянскай кампаніі “Гавары праўду”, прафсаюзу работнікаў радыёэлектроннай прамысловасці (РЭП) і нават прыхільнікі камуністычнай партыі савецкіх часоў (КПСС).

Прайшоўшы па ходніках праспекта Машэрава і вуліцы Леніна, на галоўнай плошчы горада дэманстранты падзяліліся: прадстаўнікі камуністычных арганізацыяў накіраваліся да помніка Леніну, а сябры БСДП (Грамада), БНФ і іншых дэмакратычных суполак - да фантану, які знаходзіцца насупраць аблвыканкама. Там з невялікай прамовай выступіў старшыня абласной арганізацыі БСДП (Грамада) Ігар Маслоўскі, які павіншаваў прысутных з Днём працы і міжнароднай салідарнасці працоўных, а пасля заклакаў далучыцца да афіцыйных першамайскіх мерапрыемстваў у гарадскім парку.

Паводле папярэдніх дадзеных, ніякіх інцыдэнтаў і затрыманняў падчас дэманстрацыі не было, а за яе хадой назіралі і суправаджалі удзельнікаў шмат супрацоўнікаў міліцыі у форме і цывільным адзенні.

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international