Брэст: шэсце на Першамай дазволена ўладамі

Сацыял-дэмакраты Брэста атрымалі дазвол ад мясцовых уладаў на правядзенне Першамайскага шэсця. Арганізатары заключылі дамовы з міліцыяй, камунальшчыкамі, медработнікамі і данеслі гэтыя дамовы ў Брэсцкі гарвыканкам.

Шэсце адбудзецца 1 Мая з 11 да 12 гадзін па маршруту ад бульвара Касманаўтаў па вуліцы Машэрава і да плошчы Леніна. Запланаваная колькасць удзельнікаў -- да 200 чалавек.

Па словах намесніка старшыні Брэсцкай абласной БСДП(Г) Валянціна Лазарэнкава, яны рады будуць бачыць на шэсці працоўных, каб падцвердзіць сваю салідарнасць у змаганні за годную працу і заробкі тых, хто працуе на прадпрыемствах абласнога цэнтру.

Каля 3 тысяч улётак з запрашэннямі было распаўсюджана на дывановым камбінаце, панчошным, на заводзе Цветатрон і інш.