Магілёўскім актывістам АГП адмоўлена ў правядзенні пікета памяці генерала Захаранкі

2013 2013-04-25T16:23:06+0300 1970-01-01T03:00:00+0300 be http://spring96.org/files/images/sources/pamac_zaharanki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Афіцыйна магілёўскі гарвыканкам патлумачыў адмову ў правядзенні масавага мерапрыемства тым, што заяўка пададзена на нявызначанае ўладамі месца.

Нагадаем, што актывісты Аб’яднанай Грамадзянскай партыі хацелі правесці пікет у цэнтры горада каля будынка Магілёўскага абласнога дыягнастычнага цэнтра 7-га траўня з нагоды чатырнаццатай гадавіна знікнення палітыка і генерала Юрыя Захаранкі.

1 сакавіка на гэтым месцы праводзілі свой пікет актывісты БРСМ. Натуральна, што ніякага афіцыйнага дазволу на яго правядзенне не было.

Старшыня Магілёўскай абласной арганізацыі АГП Уладзімір Шанцаў кажа, што адмова ў правядзенні пікета будзе абскарджана ў судзе.

“У бліжэйшы час мы звернемся ў суд. Мы незадаволены тым, што закон у нашай краіне дзейнічае неаднолькава для ўсіх. Канстытуцыя Беларусі гарантуе ўсім грамадзян і палітычным партыям роўныя правы, аднак на самой справе закон дзейнічае толькі для некаторых – астатнім можна ўсё”, - гаворыць Уладзімір Шанцаў.

Нагадаем, што ў Магілёве існуе толькі адно месца для правядзення масавых мерапрыемстваў. Гэта стадыён “Хімік”, які размешчаны па вуліцы Чалюскінцаў і знаходзіцца ў пустынным месцы на самым ускрайку горада.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international