Палітвязень Алесь Бяляцкі дзякуе сьпявачцы Ларын за падтрымку

2013 2013-04-25T20:17:00+0300 1970-01-01T03:00:00+0300 be http://spring96.org/files/images/sources/loreen-13.07.12.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Пераможца “Еўрабачання-2012” шведская спявачка Ларын у Менску (здымак Андрэя Шаўлюгі)

Пераможца “Еўрабачання-2012” шведская спявачка Ларын у Менску (здымак Андрэя Шаўлюгі)

Алесь Бяляцкі даслаў ліст з падзякай пераможцы “Еўрабачаньня-2012” Ларын, якая неаднаразова дэманстравала сваю салідарнасьць са зьняволеным праваабаронцам і яго сям’ёй.    

“Дарагая Ларын!
Хачу вельмі падзякаваць за тую маральную падтрымку, якую Вы аказалі мне ў мінулым годзе падчас наведваньня Менску і ў гэтым годзе падчас міжнароднай сустрэчы праваабаронцаў у Стакгольме.
Мне вельмі прыемная чыста чалавечая ўвага з Вашага боку да майго лёсу і лёсу маёй сям’і. Хачу Вам сказаць, што пастаянная падтрымка мяне, маёй жонкі і сына дазваляе мне прасьцей пераносіць тую складаную сітуацыю, у якой я зараз знаходжуся. Але ў падтрымцы маюць патрэбу і яны. Таму для мяне была такою важнаю Вашая сустрэча з маёй жонкаю Наталяй. Сваёй увагаю і адкрытай пазіцыяй да правоў чалавека Вы ламаеце стэрэатып эстраднай сьпявачкі, які склаўся ў нас у лепшы бок. Я таксама люблю ламаць стэрэатыпы, і тут мы з вамі сходныя. Цэлы год час ад часу па мясцовым радыё перадавалі Вашую песьню. І кожны раз я атрымліваў ад Вас часьцінку Вашай энэргіі.    

Бязьмежна ўдзячны,
з павагаю,
Алесь Бяляцкі”

На фота: Ларын і Натальля Пінчук падчас сустрэчы ў Менску 13 ліпеня 2012 г.

Нагадаем, што Ларын, пераможца песеннага конкурсу “Еўрабачаньне-2012”, падчас візіту ў Беларусь у ліпені 2012 году сустракалася з Натальляй Пінчук, жонкай палітвязьня Алеся Бяляцкага. А сёлета падчас выступу ў межах Дзён праваабаронцаў, якія ладзіла арганізацыя Civil Rights Defenders на пачатку красавіка ў Стакгольме, Ларын са сцэны перадала прывітаньне беларускаму палітвязьню. Старшыня ПЦ “Вясна” і віцэ-прэзідэнт Міжнароднай федэрацыі за правы чалавека (FIDH) быў затрыманы 4 жніўня 2011 г. і па палітычна матываванай справе прысуджаны да 4,5 гадоў калоніі за сваю праваабарончую дзейнасьць.

 

Ларын і Наталля Пінчук падчас сустрэчы ў Менску 13 ліпеня 2012 г.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international