Праваахоўчыя органы ўпарта ігнаруюць скаргі збітай міліцыянтамі жанчыны

2013 2013-04-24T12:25:14+0300 1970-01-01T03:00:00+0300 be http://spring96.org/files/images/sources/sledczy-kamitet.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Больш за два гады цягнецца разбіральніцтва наконт прымянення фізічнай сілы маладзечанскімі міліцыянтамі ў адносінах да маладой маці Алесі Садоўскай.

У навагоднюю ноч жанчына знаходзілася ў начным клубе “НЭО”, дзе неўзабаве не магла знайсці свой мабільны тэлефон. Яна папрасіла адміністрацыю выклікаць міліцыю, аднак усё скончылася тым, што жанчыну завезлі ў пастарунак, там да яе прымянялі фізічную сілу і пасля яшчэ вынеслі абвінавачванне ў адміністратыўным правапарушэнні.

Жанчына прайшла ўсе судовыя інстанцыі – ад раённага да Вярхоўнага суда. Звярталася ва ўсе праваахоўчыя органы – раённыя, абласныя, рэспуліканскія. Аднак прадстаўнікі ўлады ўпарта ігнаруюць заявы і аргументы Алесі Садоўскай. Напрыклад, пракуратура Мінскай вобласці чатыры разы адмяняла праверку па факце збіцця жанчыны.

У сеціве нават з’явілася відэа з Маладзечанскага РАУС, дзе бачна, як міліцыянты перавышаюць свае паўнамоцтвы.

“Праваахоўчыя органы не хочуць прызнаваць відавочнае, што з боку міліцыі сапраўды былі сур’ёзныя парушэнні. У такім выпадку павінна быць заведзена крымінальная справа. І тады ўзнікае пытанне аб прафесійнасці нашых органаў, - кажа Алеся Садоўская. – Але я ўсё адно буду адстойваць свае правы і настойваць, каб было праведзена належнае расследаванне па факце майго збіцця ў Маладзечанскім РАУС”.

На мінулым тыдні жанчына падала скаргу ў Галоўнае ўпраўленне Следчага камітэта Рэспублікі Беларусь.

Гэта не адзінкавы выпадак, калі грамадзяне звяртаюцца са скаргамі адносна збіцця з боку міліцыі. У Лідзе і Мінску зараз праводзіцца праверка адносна неправамоцных дзеянняў міліцыянтаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international