FIDH - у падтрымку грамадзянскай супольнасці Беларусі

2013 2013-04-24T00:04:28+0300 1970-01-01T03:00:00+0300 be http://spring96.org/files/images/sources/fidh-freeales-new-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Міжнародная федэрацыя за правы чалавека (FIDH) запусціла новую версію сайта Freeales.fidh.net, мэта якога - падтрымка грамадзянскай супольнасці Беларусі і садзейнічанне вызваленню палітвязняў.

Ранейшая версія сайта «Свабоду Алесю Бяляцкаму» з'явілася ў 2011 годзе пасля арышту віцэ-прэзідэнта FIDH і кіраўніка Праваабарончага цэнтра "Вясна". «Час ідзе, а сітуацыя з правамі чалавека і становішча грамадзянскай супольнасці ў Беларусі застаюцца крытычнымі. Віцэ-прэзідэнт FIDH і старшыня праваабарончага цэнтра "Вясна" Алесь Бяляцкі па-ранейшаму знаходзіцца за кратамі, роўна як і іншыя палітвязні, пераслед супраць якіх не спыняецца нават у турме. FIDH мае намер і ў далейшым асвятляць гэтую недапушчальную сітуацыю і з гэтай мэтай запускае новую версію сайта», - гаворыцца ў тэксце прэзентацыі.

Гэты сайт будзе інфармаваць міжнародную грамадскасць, заклікаць яе да мабілізацыі на розных узроўнях і гучна казаць пра беларускую грамадзянскую супольнасць, якая смела працягвае сваю працу, нягледзячы на ​​няспынны ціск.

Сайт на англійскай, рускай і французскай мовах будзе інфармаваць пра пераслед супраць грамадзянскай супольнасці ў Беларусі і пра рэакцыі з боку міжнароднай супольнасці на гэтыя дзеянні. Па-ранейшаму там будуць навіны пра Алеся Бяляцкага і інфармацыя, звязаная з гэтай знакавай справай.

З моманту арышту Алеся Бяляцкага Міжнародная федэрацыя за правы чалавека праводзіць кампанію за вызваленне праваабаронцы-палітвязня. У 2007 годзе, усяго праз тры гады пасля ўступлення "Вясны" ў FIDH, Алесь Бяляцкі быў абраны яе віцэ-прэзідэнтам. Ён стаў першым прадстаўніком краінаў постсавецкай прасторы, абраным у міжнароднае кіраванне FIDH кангрэсам, які аб'ядноўвае 164 сяброўскія арганізацыі з усяго свету.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international