Леанід Аўтухоў: "Мяне выклікаюць у міліцыю як крымінальніка?"

2013 2013-04-23T13:44:17+0300 1970-01-01T03:00:00+0300 be http://spring96.org/files/images/sources/autuhou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Аўтухоў

Леанід Аўтухоў

Як вынікае з позвы, атрыманай кіраўніком Віцебскай абласной арганізацыі Партыі БНФ, яго выклікае на допыт  супрацоўнік крымінальна-вышуковай службы Кастрычніцкага РАУС. Позва выпісана на 24 красавіка.

"Позва такая, нібыта мяне выклікаюць па нейкай крымінальнай справе. Там напісана: "У выпадку няяўкі без грунтоўнай прычыны Вы на падставе артыкулаў 130, 216 Крымінальна-працэсуальнага кодэкса будзеце падвергнутыя прымусовай дастаўцы". Кодэкс згаданы. Але па якой канкрэтна справе мяне выклікаюць і ў якой якасці я мушу з'явіцца ў міліцыю, не напісана нічога”, -- распавёў Леанід Аўтухоў .

Актывіст не ведае за сабой нічога крымінальнага. І мяркуе, што, верагодна, позву даслалі менавіта з такім зместам, каб застрашыць ды змусіць з'явіцца.

17 красавіка яму тэлефанавалі з Кастрычніцкага РАУС з запрашэннем зайсці на гутарку. Спыталі, ці ведае ён Закон аб СМІ. На ягоную думку, выклік можа быць звязаны з яго мінулым затрыманнем 22 сакавіка: у той дзень яны з аднапартыйцам Кастусём Смолікавым распаўсюджвалі партыйны бюлетэнь "Магістрат" у гандлёвым цэнтры "Эвіком". А праз некалькі дзён пасля затрымання суд Кастрычніцкага РАУС прызнаў Смолікава і Аўтухова вінаватымі ў адміністрацыйным правапарушэнні – нібыта яны заклікалі жыхароў Віцебску паўдзельнічаць у несанкцыянаванай акцыі ў Дзень Волі. Абодва актывісту адбылі па 5 сутак арышту.

Адкуль маглі ўзяцца крымінальныя падазронні да яго, Леанід Аўтухоў не ведае. Але не выключае, што выклік у міліцыю можа быць звязаны  з тым, што ён падаваў заяўку на правядзенне 26 красавіка мітынгу, прысвечанага  ўгодкам Чарнобыльскай трагедыі. Днямі ён атрымаў паведамленне, што мітынг адміністрацыя Чыгуначнага раёну забараніла.

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international