Прызначана дата касацыйнага разгляду справы аб распаўсюдзе “Магілёўскага Выбару”

2013 2013-04-12T15:17:40+0300 1970-01-01T03:00:00+0300 be http://spring96.org/files/images/sources/vusik-buhel-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Валерый Вусік і Барыс Бухель

Валерый Вусік і Барыс Бухель

25 красавіка ў 9-30 у Магілёўскім абласным судзе будзе разгледжана скарга жыхара вёскі Лебедзянка Валерыя Вусіка на рашэнне суда Бялыніцкага раёна, які пакараў грамадскага актывіста штрафам у памеры 5 000 000 рублёў нібыта за паклёп і за распаўсюд газеты “Магілёўскі Выбар”.

Адпаведную позву з Магілёўскага абласнога суда Валерый Вусік атрымаў 12 красавіка.

“Сёння я атрымаў позву з абласнога суда, што разгляд маёй скаргі на рашэнне суда Бялыніцкага раёна аб пакаранні мяне штравам у 5 000 000 рублёў нібыта за паклёп і за распаўсюд газеты “Магілёўскі Выбар” адбудзецца 25 красавіка ў 9-30, - кажа Валерый Вусік. - Разам з маім адвакатам і праваабаронцам Барысам Бухелем мы рыхтуемся да гэтага судовага паседжання. Па парадзе праваабаронцаў я ўзяў даведкі з СВК “Лебедзянка” і Лебедзянкаўскага сельсавета, які паказваюць, што я не адзін год быў членам праўлення СВК, старшынёй таварысцкага суда, пяць гадоў, пакуль дазваляла здароўе, з’яўляўся старастам вёскі Лебедзянка. Землякі аказвалі мне давер і на канкурэнтнай аснове выбіралі мяне дэпутатам мясцовых Саветаў розных узроўняў. Ну а зараз бялыніцкія чыноўнікі і міліцыянеры спрабуюць зрабіць мяне паклёпнікам і хуліганам.

Я спадзяюся, што Магілёўскі абласны суд разбярэцца ў існуючай сітуацыі, адменіць пастанову суда Бялыніцкага раёна і спыніць справу, бо ніякіх правапарушэнняў з майго боку проста не было”.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international