Крымінальнай справы супраць Валера Булгакава не будзе

2013 2013-04-12T08:46:31+0300 1970-01-01T03:00:00+0300 be

Экс-рэдактару часопіса "ARCHE-Пачатак" прыйшоў афіцыйны адказ на яго запыт ва Упраўленне Дэпартамента фінансавых расследаванняў (УДФР) па Мінскай вобл. і г. Мінску.

Намеснік кіраўніка УДФР Бацэвічус піша, што “па выніках праверкі, праведзенай УДФР КДК РБ па Мінскай вобласці і г. Мінску, ва ўзбуджэнні крымінальнай справы па арт. 243 КК РБ у дачыненні да Вас... адмоўлена”.   

У пасланні Валеру Булгакаву таксама прапануюць з’явіцца ва УДФР па Мінскай вобл. і г. Мінску “для вырашэння лёсу выданняў”, якія яму належаць.

Аналагічны ліст сп. Бацэвічус адрасаваў ТАА “Інбелкульт” (былы выдавец часопіса, ад імя якога таксама быў зроблены запыт). Абедзьве паперы датаваная 9-м красавіка.

Запыты ва УДФР былі накіраваныя пасля з'яўлення інфармацыі пра адмову ўзбуджаць крымінальную справу па выніках праверкі ўстановы “Рэдакцыя часопіса “Архэ-Пачатак”": прадстаўнікі рэдакцыі хацелі атрымаць афіцыйныя дакументы на гэты конт.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international