Праваабарончы цэнтр “Вясна” запрашае да супрацы валанцёраў

2013 2013-04-08T15:21:16+0300 1970-01-01T03:00:00+0300 be http://spring96.org/files/images/sources/volunteers-welcome-sign.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Калі ты падзяляеш каштоўнасныя прынцыпы салідарнасьці, узаемнага даверу і добраахвотнай дапамогі, гатовы падзяліцца сваім часам і прапанаваць свае паслугі - далучайся да каманды валанцёраў “Вясны”! 

Асноўныя напрамкі працы, у якіх патрэбная валанцёрская дапамога:

- Назіраньне за акцыямі;

- Назіраньне за судовымі працэсамі;

- Тэхнічная дапамога па апрацоўцы працэсуальных дакументаў і інфармацыі;

- Аналітычная праца па асобных грамадска-прававых працэсах;

- Журналісцкая праца па асобных падзеях (для фотажурналістаў);

- Распрацоўка крэатыўных ідэяў для грамадскіх кампаній (“Праваабаронцы супраць сьмяротнага пакараньня ў Беларусі”, супраць адміністратыўнага перасьледу, у падтрымку палітвязьняў і інш.)

- Іншыя віды дапамогі - у залежнасьці ад пажаданьняў, здольнасьцяў і магчымасьцяў.

Ахвотныя далучыцца да праваабарончай дзейнасьці мусяць разумець яе спецыфіку: гэта не палітычная дзейнасьць. Праваабаронцы выконваюць функцыю “шчыта” ў стасунках паміж чалавекам і ўладай, з’яўляюцца ўдзельнікамі працэсу стварэньня інстытута грамадскага кантролю. Дзейнасьць праваабаронцаў ськіраваная на ўдасканаленьне дзеючай улады, выпрацоўку рэкамендацыяў па паляпшэньні сістэмы абароны правоў чалавека ў краіне, патрабаваньне ад уладаў выкананьня міжнародных стандартаў у галіне правоў чалавека. У сваёй дзейнасці праваабаронцы кіруюцца такімі фундаментальнымі дакументамі, як Усеагульная дэкларацыя правоў чалавека, Міжнародны Пакт аб грамадзянскіх і палітычных правах, “Дэкларацыя пра правы і абавязкі пэўных асобаў, групаў і органаў грамадства заахвочваць і абараняць агульнапрызнаныя правы чалавека і асноўныя свабоды” (“Дэкларацыя аб правааабаронцах”).

Для таго, каб стаць валанцёрам ПЦ “Вясна”, неабходна запоўніць прапанаваную ніжэй анкету з пазнакай сваіх сапраўдных дадзеных і чакаць адваротнай сувязі! Пры гэтым трэба ўлічваць, што валанцёрская дапамога не аплочваецца.

АНКЕТА

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international