Сяргея Каваленку аштрафавалі на мільён рублёў

2013 2013-03-29T14:30:28+0300 1970-01-01T03:00:00+0300 be http://spring96.org/files/images/sources/kaval-sud-dzen-vol-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сяргей Каваленка

Сяргей Каваленка

Суддзя Першамайскага райсуду аштрафавала сябра КХП-БНФ на падставе міліцэйскага пратакола, дзе было напісана, што ўвечары 25 сакавіка Сяргей Каваленка  быў " у стане алкагольнага ап'янення", ды яшчэ "нецэнзурна выказваўся" і "размахваў рукамі". Актывіст ніводнага з гэтых абвінавачанняў не прызнаў.

Судовы працэс над Сяргеем Каваленкам 26 сакавіка распачала суддзя Наталля Карабліна, а пасля перапынку на тры дні судзіць актывіста прызначылі іншай суддзі, Валянціне Кісмярошкінай. Чаму так адбылося, прысутным не патлумачылі.

Усё астатняе было па-ранейшаму: у судзе сабралася больш за два дзесяткі супрацоўнікаў міліцыі, у форме і ў цывільным. Частка супрацоўнікаў у цывільным яшчэ да пачатку суду заняла месцы ў зале, тады як "людзі ў форме" пераконвалі ахвотных зайсці, што судовая заля зачыненая. Дарэчы, скаргу на некарэктныя паводзіны міліцыянтаў, якія 26 сакавіка "камандавалі" у судзе – замест сакратара загадвалі ўстаць, рабілі грубыя заўвагі прысутным  і гэтак далей – падаў у МУС віцебскі актывіст Пётр Іваноў. Падобную скаргу падаў і Сяргей Каваленка, папрасіўшы далучыць яе да матэрыялаў справы ў якасці сведчання недаверу да суду, які на справе аказаўся падпарадкаваным супрацоўнікам міліцыі.

Двое супрацоўнікаў міліцыі былі ў судзе сведкамі – гэта супрацоўнікі патрульна-паставой службы Аляксей Новікаў і Аляксандр Давыдоўскі.  Яны распавядалі, што спынілі Сяргея Каваленку на дарозе за адсутнасць флікера. Хаця потым работнікі ДАІ склалі на яго пратакол за пераход дарогі ў неналежным месцы. Паводле міліцыянтаў, актывіст абураўся тым, што яго затрымлівалі міліцыянты з патрульна-паставой службы, а не  ДАІ.І рабіў гэта "з нецэнзурнай лаянкай" і "размахваючы рукамі". Ды ўсяго, Каваленка адмаўляўся ехаць з імі ў пастарунак, і  яго папярэдзілі, што гэтыя дзеянні – "непадпарадкаванне супрацоўнікам міліцыі". Пасля гэтага ён ужо пагадзіўся сесці ў машыну. Але падчас спрэчкі міліцыянты адчулі пах алкаголю, згадалі, што ў яго была "няцьвердая паходка", і павезлі  Сяргея Каваленку на медычнае асведчанне.

Далей сведчыць працягваў лекар, псіхіятр-нарколаг Аляксандр Лебедзеў. Ён зазначыў, што актывіст адмовіўся праходзіць алкатэст. Але пацвердзіў  толькі словы міліцыянтаў пра пах алкаголю, усе іншыя знешнія прыкметы ён кваліфікаваў як нармальныя паводзіны: не было ні "няцвёрдай паходкі", ні буйных паводзінаў…

Сяргей Каваленка цвердзіў, што абвінавачанне супраць яго несправядлівае:

" Па дарозе за мной ішоў нейкі чалавек у цывільным. А калі пад'ехала міліцэйская машына, ён  выскачыў  з-за маёй спіны  і нешта пачаў шаптаць на вуха міліцыянту. У Першамайскім РАУС на мяне склалі пратакол па сфальсіфікаваным абвінавачанні аб адміністрацыйным правапарушэнні (артыкул 17.1. КаАП). Калі мяне паводле абвінавачання ў хуліганстве везлі ў ІЧУ, да мяне беспадстаўна былі ўжытыя спецсродкі (кайданкі). У ізалятары часовага ўтрымання я таксама падвяргаўся жорсткаму,  зневажальнаму чалавечую годнасць абыходжанню: утрымліваўся ў адзіночнай камеры, у якой адсутнічалі індывідуальныя спальныя месцы і хоць бы якая-небудзь мэбля, пасцельныя прыналежнасці не выдалі, спаць давялося на падлозе, ва ўнітазе адсутнічаў зліўны бачок, роўна як і ўмывальная ракавіна ў камеры і бачок з пітной вадой, туалетнай паперы і мыла таксама не выдалі. 26 сакавіка, калі мяне прывезлі з ІЧУ у суд, суддзя загадала дадаткова аформіць нейкія дакументы, і  ў РАУС Першамайскага раёна, а таксама назад у суд мяне везлі ў аўтазаку - аўтамабілі для перавозкі грамадзян, у дачыненні да якіх у рамках КПК прыменена мера стрымання - заключэнне пад варту, чым парушана маё права на прэзумпцыю невінаватасці".

Актывіст лічыць, што супрацоўнікі міліцыі ажыццяўляюць ціск на яго за палітычныя погляды, і менавіта таму затрыманне адбылося ў Дзень Волі. Верагодна, міліцыя вырашыла "апярэдзіць" магчымасць з'яўлення ў горадзе чарговага бел-чырвона-белага сцяга, вывешваннем якіх вядомы актывіст.

Сяргей Каваленка збіраецца абскарджваць пастанову суд, вынесеную, паводле ягонага меркавання, на падставе сфальсіфікаванага пратакола.

 

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international