Сям'ю бабруйскага лідэра АГП затрымалі на мяжы

2013 2013-03-29T13:32:21+0300 1970-01-01T03:00:00+0300 be http://spring96.org/files/images/sources/buzinaeu_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віктар Бузінаеў

Віктар Бузінаеў

Раніцай 29 сакавіка Віктар Бузінаеў разам з дачкой і жонкай вярталіся з Кіева. Украінскіх памежнікаў прайшлі без праблем, а беларускія зацікавіліся брашурамі, якія ляжалі ў бакавых дзверках машыны.

-Мы паехалі ў Кіеў на адзін дзень, бо дачка выйграла квіток на канцэрт музычнай каманды, а мы склалі кампанію. Туды патрапілі без праблем, а калі вярталіся, нас вырашылі праверыць, - расказвае жонка бабруйскага лідэра АГП Наталля Бузінаева. -Знайшлі кнігу вершаў Някляева, некалькі брашурак "Што Еўропа можа зрабіць для Беларусі?" і некалькі буклетаў па беларускаму заканадаўству. Адразу памежнікаў гэта зацікавіла, пачалі пытаць, што гэта? Папрасілі выйсці з машыны, завялі ў асобны пакой і там трымалі чатыры гадзіны.

Падчас "адсідкі" ў пакойчыку памежнай службы, актывіст і яго сям'я напісалі тлумачэнні наконт гэтых брашур. Але ў выніку ім іх так і не вярнулі.

-Памежнікі сказалі, што будуць праводзіць экспертызу друкаваных матэрыялаў. А калі правераць, дашлюць нам адказ на гэты конт. Нас вельмі здзівіла гэтая працэдура, бо брашуркі і вершы Някляева няікаяй пагрозы не нясуць, а падобныя праверкі наадварот, толькі перашкаджаюць людзям. Мы планавалі быць дома ўжо ў 9 раніцы, а ў выніку прыедзем толькі днём, - адзначыла Наталля Бузінаева.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international