У Магілёве Дзень Волі прайшоў пад пільным наглядам міліцыі (фота)

2013 2013-03-25T20:20:04+0300 1970-01-01T03:00:00+0300 be http://spring96.org/files/images/sources/magil-dzen-voli-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 25 сакавіка, каля двух дзясяткаў актывістаў грамадскіх арганізацый і палітычных партый горада сабраліся, каб ускласці кветкі каля будынка, дзе ў далёкім 1918 годзе адбыўся прадстаўнічы сход, на якім гараджане прызналі ўладу ўраду Беларускай Народнай Рэспублікі.

Некаторыя актывісты, як і большасць супрацоўнікаў АМАПу, прыйшлі на традыцыйнае месца каля будынка сучаснага Магілёўскага абласнога краязначага музея імя Раманава, каб ускласці каля яго кветкі і такім чынам ушанаваць гэтую дату ў гісторыі горада. 

Аднак высветлілася, што напярэдадні Дня Волі магілёўскія гісторыкі выявілі ў архівах цікавы факт: прадстаўнічы сход гараджан адбываўся зусім у іншым месцы - у цяперашнім будынку сярэдняй школы №1, якая знаходзіцца на вуліцы Першамайскай.

Уведзеным у непаразуменне актывістам, як і супрацоўнікам АМАПу, прыйшлося тэрмінова дабірацца да новага месца, каб паспець на акцыю.

"Як толькі мы выйшлі з офіса на Ленінскай, то да нас падыйшлі міліцыянты і папярэдзілі, каб не было ніякіх сцягоў і лозунгаў. Калі гэтага не будзе, то і затрыманняў таксама", - гаворыць старшыня Магілёўскай абласной арганізацыі БНФ "Адраджэньне" Зміцер Салаўёў. 

Каля будынка сярэдняй школы №1 Зміцер распавёў новыя факты аб падзеях 95-гадовай даўніны.

Акцыя адбылася без канфліктаў з міліцыяй. Па яе сканчэнню актывісты рушылі на імпрэзу ў грамадскі цэнтр "Кола". 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international