Павел Севярынец сустрэўся з намеснікам пракурора Берасцейскай вобласці

2013 2013-03-25T13:21:55+0300 1970-01-01T03:00:00+0300 be http://spring96.org/files/images/sources/seviarynets.jpg
Павал Севярынец

Павал Севярынец

Сустрэча прайшла у вёсцы Куплін Пружанскага раёна Берасцейскай вобласці, дзе Павел Севярынец адбывае трохгадовую “хімію” за Плошчу 2010.

Па словах палітыка, размова з пракурорам ішла пра тых палітвязняў, якія адбываюць пакаранне менавіта на Берасцейшчыне.

- Ён звычайна аб’язджае такога кшталту ўстановы. Не было жадаючых з ім пагаварыць. Таму адміністрацыя на паверцы сказала: ”Канстанцінавіч, ідзіце размаўляйце. Вам ёсць пра што спытаць.” Я спытаў у пракурора пра Аляксандра Францкевіча і Эдуарда Лобава. Іх калоніі знаходзяцца на тэрыторыі Берасцейскай вобласці. Хлопцам у калонію “Воўчыя норы”, дзе яны сядзяць, не прапускаюць пасылкі. І ўвогуле Францкевіч знаходзіцца там у нечалавечых умовах. Намеснік пракурора запісаў гэта і сказаў, што дасць распараджэнне разабрацца, ці ўсё законна.

На днях Павел Севярынец атрымаў лісты ад палітвязняў Змітра Дашкевіча і Мікалая Аўтуховіча. Таксама яго наведалі старшыня і намеснік старшыні Руху «За свабоду» Аляксандр Мілінкевіч і Юры Губарэвіч, старшыня партыі БНФ Аляксей Янукевіч.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international