Падаткавікоў цікавіць: ці пазычала жонка праваабаронцы Леаніда Судаленкі яму грошы?

2013 2013-03-21T15:21:00+0300 1970-01-01T03:00:00+0300 be http://spring96.org/files/images/sources/sudalenka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Судаленка

Леанід Судаленка

Жонка гомельскага праваабаронцы Леаніда Судаленкі атрымала афіцыйны запыт з Інспекцыі па падатках і зборах па Савецкаму раёну Гомеля, дзе ў яе пыталіся: ці пазычала яна грошы свайму мужу? Нагадаем, што ўжо некалькі месяцаў падатковая праводзіць розныя праверкі ў дачыненні да праваабаронцы і яго сям'і, і нават сына, які зараз служыць у войску.

«Я, калі падаваў дэкларацыю, па патрабаванню падатковых органаў, адзначыў, што жыву сумесна з жонкай, мы вядзём агульную гаспадарку, усе нашы грошы і маёмасць – агульная сумесная уласнасць. Пасля гэтага да жонкі з'явіліся пытанні: ці пазычае яна мне грошы», - пракаментаваў Леанід Судаленка.

У інспекцыю быў дасланы адказ, што пра якія пазыкі ідзе гаворка, калі людзі жывуць у шлюбе, сумесна пражываюць, у адной кватэры, вядуць агульную гаспадарку, і ніхто нікому грошы не пазычаў.

Задае пытанні падатковая і па сыну праваабаронцы, які раней вучыўся ў Польшчы, а зараз служыць у беларускім войску. «Сыну прад'явілі прэтэнзію ў перавышэнні выдаткаў над прыбыткамі, палічылі ў выдаткі нават квіткі ў Польшчу, дзе ён вучыўся. Таксама не забыліся за кожны з 48 месяцаў бюджэт пражытачнага мінімуму налічыць, хоць у той час сын знаходзіўся ў Польшчы і не з'яўляўся падатковым рэзідэнтам РБ», - дадаў праваабаронца.

У адказе ў падатковую – наконт выдаткаў сына, - Леанід Судаленка адзначыў, што прадставіць неабходныя дакументы зараз немагчыма, таму што сын зрабіць гэта не ў стане па той прычыне, што ён у войску. Ён нагадаў падатковай, што ў перыяд часу, за які інспектары патрабуюць справаздачу, сын не з'яўляўся падатковым рэзідэнтам РБ, і вучыўся на дзённым аддзяленні ВНУ ў Польшчы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international