Мэр галандскага горада Эйндховена Аляксандр Сакерс не прыедзе ў Беларусь з прычыны парушэння правоў чалавека

2007 2007-03-16T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Такое рашэнне было прынятае муніцыпалітэтам горада. Эйндховен з’яўляецца горадам-пабрацімам Менска з 1995 года, і яго мэр збіраўся ў беларускую сталіцу ў траўні гэтага года, паведамляецца ў прэс-рэлізе Партыі працы Нідэрландаў, які паступіў у прэс-цэнтр Хартыі’97.

Муніцыпалітэт лічыць, што візіт мэра непажаданы з прычыны палітычнай сітуацыі ў Беларусі. Існуе небяспека, што яго візіт будзе вытлумачаны як падтрымка беларускага рэжыму, заявілі прадстаўнікі ўсіх партый.

Прадстаўнік Партыі працы Нідэрландаў Габі Ван дэр Бігелар працытаваў справаздачу ААН па сітуацыі з правамі чалавека ў Беларусі. Паводле справаздачы, сітуацыя з правамі чалавека ў краіне пагоршылася, таму, лічыць прадстаўнік партыі, гандлёвыя стасункі з Беларуссю толькі ўмацуюць пазіцыі дыктатара Лукашэнкі.

Акрамя таго, Ван дэр Бігелар падкрэсліў, што яны ўсведамляюць істотную розніцу паміж кантактамі з уладамі і дзейнасцю, якая здзяйсняецца ў рамках стасункаў гарадоў.

Паводле прадстаўнікоў Партыі працы, сувязі гарадоў-пабрацімаў здольныя дапамагчы палепшыць сітуацыю ў Беларусі. Гэтыя паляпшэнні могуць быць актывізаваныя з дапамогай кантактаў паміж жыхарамі двух гарадоў. Самі стасункі паміж гарадамі-пабрацімамі не падвяргаюцца сумненню.

“Той факт, што мэр не едзе ў Менск, трэба разумець як знак падтрымкі жыхарам Менска ў іх імкненні да таго, каб у краіне паважаліся правы чалавека”, – лічыць Партыя працы Нідэрландаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international