viasna on patreon

ФК «Дынама» (Брэст): “Прозвішчы футбалістаў на спартовай форме будуць па-беларуску"

2013 2013-03-19T10:43:51+0300 1970-01-01T03:00:00+0300 be https://spring96.org/files/images/sources/futbol.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Каардынатар грамадзянскай кампаніі «Справаводства па-беларуску!» Ігар Случак атрымаў адказ на свой зварот ад кіраўніцтва футбольнага клубу «Дынама» (Брэст). Нагадаем, грамадзянская кампанія звярнулася ў шэраг беларускіх футбольных клубаў з прапановамі аб папулярызацыі роднай мовы і пашырэнні яе ўжывання. ФК «Дынама» (Брэст) адказаў, што на чэмпіянаце Беларусі прозвішчы футбалістаў на форме будуць на беларускай мове. Менавіта з такой прапановай, сярод іншых (агучванне матчаў, правядзенне прэсавых канферэнцый на беларускай мове) і звяртаўся Ігар Случак.

Раней станоўчыя адказы ён атрымаў ад кіраўніцтва ФК «Гомель» і «БАТЭ». ФК «Гомель»з 2012 году дыктарскае суправаджэнне матчаў праводзіць на беларускай мове, у 2013 годзе такая практыка будзе прадоўжана. Астатнія прапановы кампаніі «Справаводства па-беларуску!» будуць агучаны перад камандай.

Ад ФК «БАТЭ» Ігар Случак атрымаў адказ, што пытанне аб выкарыстанні беларускай мовы разглядаецца.

 

Апошнія навіны

Партнёрства

Сяброўства