Кіраўніцтва рады Саюза беларускіх пісьменнікаў (СБП) 13 сакавіка прыняло заяву з нагоды запланаваных уладамі зменаў у школьных праграмах па беларускай літаратуры

2007 2007-03-15T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У заяве, адрасаванай грамадзянам краіны, настаўнікам, літаратуразнаўцам і бацькам беларускіх школьнікаў, гаворыцца пра падрыхтоўку “маштабнага “ідэалагічнага” перапісвання школьных праграм па беларускай літаратуры”.

Кіраўніцтва СПБ звяртае ўвагу на тое, што “стылістыка некаторых дакументаў сведчыць: Беларусь вяртаецца ў змрочны час, калі ап’янёныя рэвалюцыйнымі падзеямі службоўцы як вар’яты змагаліся з нацыянальнай літаратурай, у выніку чаго ў 1920–1930-я гады былі рэпрэсаваныя сотні беларускіх пісьменнікаў, а іх творы на дзесяцігоддзі забараняліся”.

Як адзначаецца ў заяве, “у наш час пасля гвалтоўнай пераробкі “Праграмы па гісторыі беларускай літаратуры XX стагоддзя для студэнтаў філалагічнага факультэта”, распрацаванай у Белдзяржуніверсітэце ў 2003 годзе, сталічныя ідэолагі ўзяліся за праграмы школьныя”.

У заяве падкрэсліваецца, што “службоўцы Беларусі даходзяць да найвышэйшай ступені ганебнасці і фарысейства, калі ў юбілейны год нацыянальнага генія Янкі Купалы імкнуцца забараніць некаторыя яго твора, у прыватнасці – п’есу “Тутэйшыя”, забараняюць для вывучэння (а ў выніку – і апублікаванне) аповесць Васіля Быкава “Аблава”.

“У новых праграмах загадваецца абавязкова згадаць пра стварэнне Саюза пісьменнікаў Беларусі і яго ролі ў <...> развіцці (!) літаратуры”. Гэтым саюзам, створаным усяго год таму, улады маюць намер замяніць наш пісьменніцкі Саюз Купалы, Коласа, Броўкі, Танка, Караткевіча, Мележа, Быкава, Брыля, Шамякіна, Навуменкі”, – гаворыцца ў заяве.

Яго аўтары сцвярджаюць, што “толькі нацыянальная літаратура можа выхаваць сапраўдных патрыётаў нашай краіны”, бо “адзіны крытэр мастацкасці і значнасці літаратуры – не рабскае служэнне ўладзе або “апазіцыйны настрой”, а ступень любові да Радзімы і роднага слова, мастацкае ўменне гаварыць праўду свайму народу”.

Кіраўніцтва рады аб’яднання лічыць неабходным запатрабаваць афіцыйных тлумачэнняў ад службоўцаў Галоўнага ідэалагічнага кіравання Адміністрацыі прэзідэнта, Міністэрства адукацыі і Саюза пісьменнікаў Беларусі.

Інфармацыю пра змены ў школьных праграмах па беларускай літаратуры нядаўна распаўсюдзілі айчынныя інтэрнэт-рэсурсы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international