“Затрыманне журналістаў было абгрунтаваным”

2013 2013-03-15T15:26:34+0300 1970-01-01T03:00:00+0300 be http://spring96.org/files/images/sources/zhurnalisty_cisk.jpg

Следчы камітэт адмовіўся пачынаць крымінальную справу з нагоды затрымання сябраў Беларускай асацыяцыі журналістаў.

Лола Бурыева, Вячаслаў Пяшко, Сяргей Кручкоў, Мікалай Петрушэнка і Сяргей Вазняк мелі намер асвятляць сустрэчу дэпутата Смалявіцкага райсавета Ягора Лебядкі з выбаршчыкамі. Аднак, супрацоўнікамі мясцовага РАУС, на чале з начальнікам аддзела аховы правапарадку і прафілактыкі Андрэем Мартысюком, затрымалі журналістаў.

У дзеяннях праваахоўнікаў Следчы камітэт “складу злачынства” не знайшоў, паведаміў Ягор Лебядок:

- Заяву накіравалі ў Пракуратуру і Следчы камітэт. Усе адмовілі ва ўзбуджэнні справы. Можна было, канешне, “пакапаць” глыбей, але не бачу сэнсу далей займацца гэтай справай, бо ведаем як працуе наша сістэма: пішай вышэй – спускаюць ніжэй. Пісалі ў абласны УУС – ніякага адказу. Тут хоць нейкі адказ далі. Таму больш скардзіцца не будзем.

Журналісты былі затрыманы 24-га снежны 2012 года. Праз нейкі час іх адпусцілі. Сведкі кажуць, што паводзіны міліцыянтаў і пытанні, якія былі зададзеныя, выходзілі далёка за межы “высвятлення асобаў”. БАЖ патрабуе ад дэпутата і міністра ўнутраных спраў Ігара Шуневіча разабрацца ў сітуацыі. У МУС адказалі, што “затрыманне журналістаў было абгрунтаваным”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international