Наста Дашкевіч: Затрымліваюць лісты ад Змітра

2013 2013-03-14T11:07:26+0300 1970-01-01T03:00:00+0300 be http://spring96.org/files/images/sources/palazhanka_nasta.jpg
Наста Дашкевіч

Наста Дашкевіч

Лісты ад палітзняволенага лідара Маладога Фронту Змітра Дашкевіча, а таксама і да яго сталі ісці вельмі марудна, кажа яго жонка Наста Дашкевіч. Дашкевіч адбывае пакаранне ў Гарадзенскай турме.

Лісты ад яго да Менcку ідуць да 10 дзён. Па словах жонкі зняволенага палітыка, яна збіраецца разабрацца з такой маруднай працай пошты і абскардзіць яе.

Наста Дашкевіч:

- Лісты сталі ісці проста нерэальна вельмі доўга. Я зараз пачынаю ўсё занатоўваць – калі я пішу ліст, калі адпраўляю, у якім аддзяленні адпраўляю. Таксама прашу Змітра, каб ён занатоўваў, калі ён аддаў ліст атрадніку – проста каб пракантраляваць, паглядзець, дзе ў асноўным прападаюць лісты. Затым пісаць скаргі і разбірацца. Такія праблемы з лістамі ўжо былі, але былі, напрыклад, у Жодзіне, і мы іх вырашылі праз скаргі, у іх былі праблемы з цэнзарамі, нават былі праблемы ўнутры.

"Зараз у мяне ўражанне, што лісты затрымліваюцца ці ў Гародні, ці ў Менску. Таму будзем весці сваё расследаванне, разбірацца, што з гэтым рабіць. Па штампах можна бачыць, дзе яны затрымаліся найбольшы час", - кажа Наста Дашкевіч.

Зміцер Дашкевіч быў асуджаны на 2 гады зняволення па сфабрыкаванай спецслужбамі справе пра хуліганства. Разам з ім на 4 гады асуджаны і маладафронтавец Эдуард Лобаў.

Падчас адбывання пакарання Дашкевіча асудзілі яшчэ на 1 год зняволення -- быццам за непадпарадкаванне патрабаванням адміністрацыі калоніі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international