Сябра Гайдукова дапыталі ў КДБ

2013 2013-02-28T13:48:31+0300 1970-01-01T03:00:00+0300 be http://spring96.org/files/images/sources/kdb-loga.jpg

Грамадзянскі актывіст Яўген Канстанцінаў быў дапытаны ў менскім КДБ у якасці сведкі па справе Андрэя Гайдукова.

«Учора я быў на допыце ў КДБ горада Менска. Мяне пратрымалі дзве гадзіны і адпусцілі, узяўшы перад гэтым падпіску пра неразгалошванне. Больш мне нічога не сказалі. Склалася такое ўражанне, што мяне больш не выклічуць», - адзначыў актывіст.

Ён падкрэсліў, што хадайнічаў пра асабістую сустрэчу з сябрам.

«Перад допытам мы з сястрой Андрэя перадалі для яго пасылку. Я таксама настойваў на асабістай сустрэчы з прыяцелем, але мне было адмоўлена. Таму нам пакуль што невядома, што з ім адбываецца і як ён сябе адчувае», - сказаў на заканчэнне Яўген Канстанцінаў.

Нагадаем, Андрэя Гайдукова затрымалі ў Віцебску 8 лістапада. 23-гадовага апаратчыка наваполацкага прадпрыемства «Нафтан» вінавацяць у «здрадзе дзяржаве ў форме агентурнай дзейнасці». Паводле афіцыйнай інфармацыі, хлопца затрымалі «падчас закладкі схованкі са звесткамі, якія цікавяць замежныя спецслужбы».

Гэта абвінавачванне многія лічаць бессэнсоўным. Грамадзянская кампанія «Еўрапейская Беларусь» выступіла з заявай, у якой паведамлялася пра тое, што актывіста затрымалі за распаўсюджванне газеты «Хартыя'97». Праваабаронцы пераслед Гайдукова звязваюць з яго апазіцыйнымі поглядамі і тлумачаць спробамі запалохаць моладзевых актывістаў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international