Наваполацкаму актывісту Яўгену Парчынскаму па тэлефоне прыгразілі "непрыемнасцямі"

2013 2013-02-25T16:05:44+0300 1970-01-01T03:00:00+0300 be http://spring96.org/files/images/sources/parchunski2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Яўген Парчынскі не ведае, хто яму патэлефанаваў: невядомы не назваў свайго імя, але заявіў, што ён "з гарадской адміністрацыі". І "параіў" прыбраць з мясцовага незалежнага сайту артыкул  "Новополоцкие власти опять испугались", сказаўшы, што ў адваротным выпадку "будуць непрыемнасці".

Спадар Парчынскі рэдагуе сайт "Свабодны рэгіён", на якім размешчаны дадзены артыкул.

"Мне патэлефанаваў невядомы, заявіў, што ён з Наваполацкай гарадской адміністрацыі, і спытаў, ці я пісаў артыкул "Новополоцкие власти опять испугались". Я адказаў, што пад артыкулам ёсць подпіс, так што няма пра што пытацца. Тут пачаліся пагрозы "непрыемнасцямі"… Але ў мяне няма пэўнасці, што гэта насамрэч тэлефанавалі з выканкаму, бо чалавек адмовіўся назваць сябе. На такія тэлефонныя "жарты" я ўвагі звяртаць не збіраюся, і ўсё застанецца на сайце, як ёсць", -- сказаў Я.Парчынскі.

У артыкуле  "Новополоцкие власти опять испугались" гаворыцца пра тое, што мясцовым актывістам у каторы ўжо раз не далі дазволу на правядзенне пікета. Такі стан рэчаў, калі людзі не могуць скарыстацца сваім правам на свабоду выказвання сваіх думак і меркаванняў, прадстаўнікі дэмакратычнага руху лічаць ненармальным. Таксама ў артыкуле напісана, што пры ранейшым кіраўніку горада дазвол на акцыю атрымаць было яшчэ можна. Але цяпер, калі старшынёй гарвыканкама стала Наталля Качанава, правесці нейкую акцыю стала немагчыма, і адмовы паўтараюцца раз за разам.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international