Маці затрыманага актывіста Аб’яднанай грамадзянскай партыі Дзяніса Дзянісава атрымала адказ на свой зварот у Пракуратуру Віцебскай вобласці

2007 2007-03-12T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У сваім звароце Дзянісава спасылалася на адсутнасьць падставы для ўтрыманьня Дзяніса пад вартай. Ёй патлумачана, што Дзянісаў “сумесна з іншымі асобамі ў колькасьці не меней 25 чалавек, якія мелі пры сабе больш за 1000 улётак, 17.06.2006 у вячэрні час быў затрыманы пры замаху на правядзеньне незаконнай акцыі “Бунт” каля Летняга амфітэатру ў Віцебску. 19.06. у дачыненьні Д. Дзянісава і іншых асобаў была ўзбуджана крымінальная справа па частцы 1 артыкула 14 і частцы 1 артыкула 342 Крымінальнага Кодэксу Рэспублікі Беларусь (арганізацыя і падрыхтоўка дзеяньняў, якія груба парушаюць грамадскі парадак, або актыўны ўдзел у іх)”. Такім чынам, следчыя спрабуюць падвесьці справу да магчымасьці грубага парушэньня парадку, што можа завяршыцца для Дзянісава пазбаўленьнем волі да 3 гадоў. Як паведамляецца ў адказе пракуратуры, тэрмін следства па справе Дзянісава устаноўлены да 16 сакавіка, а для ўтрыманьня актывіста ў ізалятары маюцца прадугледжаныя законам падставы.

Нагадаем, што затрымалі Дзяніса Дзянісава 16 лютага ў цягніку, які ехаў у Гомель. Спачатку актывіста трымалі ў Гомельскім сьледчым ізалятары, потым перавезьлі ў Віцебскі сьледчы ізалятар №2. Маці Дзяніса Дзянісава таксама патлумачана, што для атрыманьня дазволу на сустрэчу з абвінавачаным, неабходна звяртацца да следчага.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international