Актывістцы Юліі Сьцяпанавай адмовілі ў завядзеньні крымінальнай справы

2013 2013-02-15T09:39:12+0300 1970-01-01T03:00:00+0300 be

Фрунзэнскі РАУС Менску адмовіў актывістцы Юліі Сьцяпанавай у завядзеньні крымінальнай справы супраць нападнікаў. Роўна месяц таму 14 студзеня тыя зьбілі яе, павалілі ў сьнег і абрэзалі валасы.

У афіцыйным адказе, які Юлія Сьцяпанава атрымала ўчора, паведамляецца: праверка высьветліла, што ў дзеяньнях нападнікаў няма складу крымінальнага злачынства. Але ёсьць адміністрацыйныя парушэньні. І таму, калі іх знойдуць, то прыцягнуць да пакараньня паводле адміністрацыйнага кодэксу. То бок, максымум, што ім пагражае, — 15 сутак арышту.

Юлія Сьцяпанава кажа, што яна шакаваная гэтым рашэньнем:

«Атрымліваецца, што любы чалавек, які напаў на іншага чалавека і пагражаў ягонаму жыцьцю, выказваў пагрозы на яго адрас, ужываў гвалтоўныя дзеяньні, паводле фрунзэнскай міліцыі, заслугоўвае толькі адміністрацыйнага пакараньня. Гэта азначае, што сапраўднае крымінальнае злачынства застаецца беспакараным».

У дакумэнце, які атрымала Юлія Сьцяпанава, таксама пазначана, што ў дзеяньнях гэтых людзей назіраецца варожае стаўленьне па прыкмеце грамадзкай дзейнасьці. То бок міліцыя прызнае, што невядомыя напалі на грамадзянку Сьцяпанаву з прычыны яе грамадзкай дзейнасьці. Актывістка кажа, што міліцыя сама прызнае палітычны падтэкст гэтай справы, але пры гэтым не зьбіраецца шукаць злачынцаў і прыцягваць іх да крымінальнай адказнасьці.

Каля гадзіны ночы 14 студзеня актывістку «Эўрапейскай Беларусі» Юлію Сьцяпанаву невядомыя зьбілі каля яе дому ў Менску і абстрыглі валасы Нападнікі нецэнзурна лаяліся адносна яе палітычных поглядаў.

Юлія Сьцяпанава і раней атрымлівала ананімныя пагрозы, як мяркуецца, ад спэцслужбаў. Яе рахунак на «Фэйсбуку» неаднаразова ўзломвалі, а ў паштовую скрыню ўкідалі лісты з пагрозамі. Актывістка брала ўдзел у здымках відэафільму «Катавальня «Акрэсьціна», зьбірала рэчы для палітвязьняў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international