Алесь Бяляцкі піша ўспаміны пра стварэнне музея Максіма Багдановіча

2013 2013-02-11T08:44:00+0300 1970-01-01T03:00:00+0300 be

Палітзняволены кіраўнік праваабарончага цэнтра "Вясна" Алесь Бяляцкі плануе падрыхтаваць зборнік успамінаў пра літаратурны музей імя Максіма Багдановіча. Дырэктарам гэтага музея ён працаваў з 1989 па 1998 гады. Пра гэта ён напісаў жонцы Наталлі Пінчук у сваім лісце з калоніі №2 у Бабруйску.

Наталля Пінчук:

- Згадвае мінулую сваю працу, калі ён быў дырэктарам музея Багдановіча. І ў яго там узнікаюць новыя ідэі, ён піша, што ўсіх зараз падбівае пісаць успаміны пра музейнае жыццё. Напісаць і зрабіць такі агульны зборнік успамінаў. Усё ж добры кавалак жыцця там прайшоў. Ва ўсякім разе, ўсе людзі, якія там працавалі, пішуць і лічаць, што гэта зрабіць ім будзе нескладана.

Бяляцкі таксама паведаміў, што з вялікім задавальненнем атрымаў новую кнігу, складзеную з яго літаратуразнаўчых артыкулаў "Асвячоныя беларушчынай".

Ён нагадвае Наталлі Пінчук, што 4 лютага споўнілася паўтара года з моманту іх расставання. "Столькі ж я калісьці праслужыў у войску", - піша Бяляцкі.

Ён асуджаны на 4 гады і 6 месяцаў зняволення па абвінавачванню ў нясплаце падаткаў у асабліва буйным памеры. Аднак за асабістыя прыбыткі, з якіх праваабаронца, па меркаванню следства, павінен быў плаціць падатак, былі выдадзены сродкі, якія Бяляцкаму не належалі, а былі прызначаны на праваабарончую дзейнасць і дапамогу ахвярам палітычнага пераследу.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international