Кобрын: Аляксандра Меха адпусцілі пасля напісання тлумачальнай (абноўлена)

2013 2013-02-01T14:19:00+0300 1970-01-01T03:00:00+0300 be http://spring96.org/files/images/sources/meh_ales.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь Мех.

Алесь Мех.

 

Грамадскі актывіст Алесь Мех затрыманы міліцыянтам у чарзе на флюраграфію. Падыйшоўшаму супрацоўніку мясцовага РАУС Анатолю Джыгу не спадабалася прыватная размова Алеся Меха з суседкай па чарзе аб новых пазыках Беларусі. Спадар Мех сказаў, што ў нашых дзяцей не будзе будучага, бо менавіта ім прыйдзецца аддаваць гэтыя пазыкі.

Джыга, па словах Меха, вывеў яго з чаргі, затым на вуліцу і патэлефанаваў у КДБ. На дадзены момант Мех з міліцыянтам на вуліцы чакаюць машыну з КДБ.

Міліцыянт пракаментаваць сітуацыю адмовіўся.

14.00. Як распавёў Аляксандр Мех, замест чакаемай машыны з КДБ да іх пад’ехала міліцэйская “Ніва” і  завезла ў Кобрынскі РАУС. Джыга пайшоў у дзяжурную частку пісаць рапарт, а да затрыманага Меха падыйшоў супрацоўнік КДБ. Ён пачаў размаўляць зусім не па дадзенай сітуацыі. Актывіст яму сказаў, што той павінен ведаць родную мову і размаўляць на ёй, калі абараняе дзяржаву. На гэтым стасункі з супрацоўнікам КДБ скончыліся, а спадара Меха завялі ў адзін з кабінетаў і запатрабавалі пісаць тлумачальную.

У тлумачальнай актывіст распавёў, што чалавек у цывільным у паліклініцы падчас яго размовы з суседкай па чарзе пра дзяржаўныя даўгі і пра цяжар іх аддачы ўмяшаўся ў размову і запатрабаваў ад Меха выйсці разам з ім. Перад усім гэты чалавек не прадставіўся, але актывіст выйшаў з чаргі  і толькі тады даведаўся, што Анатоль Джыга – супрацоўнік міліцыі. Пасаду і званне Алесь прачытаць не паспеў. Джыга выклікаў КДБ.

У міліцыі паведамілі, што Анатоль Джыга працуе ўчастковым і мае званне маёра міліцыі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international