Баранавічы: Мікалай Чарнавус уздымае праблему жыхароў вёскі Русіны
Баранавіцкі прадпрымальнік і грамадскі актывіст Мікалай Чарнавус накіраваў ліст з подпісамі грамадзян вёскі Русіны Баранавіцкага раёна ў Савет Міністраў і Брэсцкі аблвыканкам.
– Гарадскі транспарт не ходзіць у вёску Русіны, нягледзячы на тое, што яна даўно ўвайшла ў рысу горада Баранавічы. Хворым у бальніцу і вясковым дзецям на гурткі ды секцыі прыходзіцца дабірацца, хто як можа. – Гэтае пытанне не аднойчы ўздымалася перад уладамі розных узроўняў, але беспаспяхова, – даводзіць Мікалай Чарнавус.
Таму Мікалай Чарнавус просіць Савет Міністраў і Брэсцкі аблвыканкам працягнуць маршрут гарадскога аўтобуса № 1 да вёскі Русіны, каб жыхарам вёскі і гараджанам мець добрую камунікацыю і палёгкія стасункі. Адначасова заўнік і падпісаўшыяся грамадзяне просяць зрабіць для іх дзяцей бясплатны праезд на секцыі і гурткі ў дзяржаўныя ўстановы дадатковай адукацыі і выхавання.
Да заявы прыкладзены 81 подпіс жыхароў вёскі Русіны.
