Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
У гэтым выпуску:
У “Хроніцы пераследу” - найбольш гучныя факты парушэнняў правоў чалавека за мінулы тыдзень.
“Падзея тыдня” – Камітэт па правах чалавека ААН патрабуе ад беларускага ўраду інфармацыі аб прынятых мерах па выкананні рашэння Камітэта па справе расстралянага паводле смяротнага прысуду Уладзіслава Кавалёва. Адпаведнае паведамленне з ААН на мінулым тыдні атрымала маці расстралянага - Любоў Кавалёва.
Госць рубрыкі "Асоба. Грамадства. Дзяржава" - праваабаронца Андрэй Бандарэнка. Некалькі дзён таму Вышэйшы гаспадарчы суд адмовіў у задавальненні касацыйнай скаргі інфармацыйна-асветніцкай установе «Платформа», паставіўшы тым самым апошнюю кропку ў справе аб ліквідацыі арганізацыі. Аднак, улады пралічыліся. Арганізацыя і надалей працягвае сваю праваабарончую дзейнасць і нават пашырыла дыяпазон маніторынгу пенітэнцыярнай сістэмы Беларусі.
У музычных паўзах гучаць песні легендарнага гурта "Песняры".
Слухаць выпуск:
