Гарадзенскі абласны суд не стаў на бок праваабаронцаў

2013 2013-01-29T13:41:45+0300 1970-01-01T03:00:00+0300 be http://spring96.org/files/images/sources/garodnia-10-12-2012.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Акцыя да Дня правоў чалавека ў Гародні.

Акцыя да Дня правоў чалавека ў Гародні.

29 студзеня ў Гарадзенскім абласным судзе былі разгледжаны скаргі гарадзенскіх праваабаронцаў Віктара Сазонава, Рамана Юргеля і Уладзіміра Хільмановіча. 5 студзеня суддзя Ленінскага раённага суда Віталь Ляцко асудзіў грамадскіх актывістаў да 15 базавых велічыняў штрафу (паўтары мільёны беларускіх рублёў) кожнага за фотаздымак у інтэрнэце, на якім гарадзенскія актывісты сфатаграфаваныя з партрэтамі палітзняволенага Алеся Бяляцкага.

Суддзя абласнога суда Анатоль Заяц прадказальна ўзяў бок раённага суда і, нягледзячы на ўсе аргументы праваабаронцаў, якія былі выкладзены ў скаргах пісьмова і дадаткова пры іх разглядзе, пакінуў пастанову бяз зменаў.

Раман Юргель: “Спадзявацца на нейкае іншае рашэнне абласнога суда было б наіўным. Суд гэтай інстанцыі чарговы раз выявіў карпаратыўную псеўдасалідарнасць і фактычна пацвердзіў чыста палітычны прысуд. Каб справа разглядалася выключна ў юрыдычнай плоскасці, то яе не было б зусім. А так – ніякіх доказаў, ніякіх матэрыялаў, што даказваюць нашу віну, шэраг працэсуальных парушэнняў – і такія неадэкватныя карныя вынікі. Па-сутнасці, парушаны галоўны юрыдычны прынцып судовай сістэмы – прынцып прэзумпцыі невінаватасці”.

Уладзімір Хільмановіч: “Я ў сваім выступе адмыслова звярнуў увагу суддзі не толькі на юрыдычную абсурднасць нашай адміністрацыйнай справы, але і на тое, што ў яго ёсць унікальная магчымасць уратаваць гонар гарадзенскай юстыцыі. Аднак, сенсацыі не здарылася. Мы падавалі і будзем падаваць скаргі па гэтай справе далей не толькі таму, што нас асудзілі абсалютна несправядліва, але і таму, што створаны небяспечны прэцэдэнт, калі кожнага грамадзяніна можна судзіць па звычайных фотаздымках, калі няпраўнасць судовай сістэмы набывае абсалютны характар, што надзвычай небяспечна для ўсяго нашага грамадства”. 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international