Дзяніс Дзянісаў абвінавачаны ў парушэньні 342-га артыкулу КК за арганізацыю групавых дзеяньняў, якія парушаюць грамадзкі парадак

2007 2007-03-05T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Трэці тыдзень знаходзіцца за кратамі актывіст Аб’яднанай грамадзянскай партыі Дзяніс Дзянісаў. Яго вінавацяць у арганізацыі групавых дзеяньняў, якія парушаюць грамадзкі парадак, што караецца пазбаўленьнем волі да трох гадоў.

2 сакавіка актывіста Дзяніса Дзянісава ў Віцебскім сьледчым ізалятары наведаў адвакат Пётар Каваленка. Паводле яго, Дзянісу Дзянісаву выставілі абвінавачаньне паводле 342-га артыкулу: “Ён абвінавачаны ў арганізацыі дзеяньняў, якія парушаюць грамадзкі парадак і супрацьдзейнічаюць уладзе. Гэта выявілася нібыта ў тым, што яны падрыхтавалі ўлёткі і плакаты і зьбіраліся такім чынам супрацьдзейнічаць”, -- паведаміў адвакат Радыё Свабодзе.

Паводле адваката, падзеі, якія фігуруюць у справе Дзянісава, адбыліся 18 чэрвеня 2006 году ў Віцебску. Тады група моладзевых актывістаў зь незарэгістраванай арганізацыі “Бунт” спрабавала правесьці апызыцыйную акцыю. Актывісты вывесілі бел-чырвона-белы сьцяг.

Крымінальную справу паводле ўдзелу Дзяніса Дзянісава ў гэтым эпізодзе завялі летась у кастрычніку. А затрымалі Дзяніса Дзянісава 16 лютага ў цягніку, які ехаў у Гомель. Спачатку актывіста трымалі ў Гомельскім сьледчым ізалятары, потым перавезьлі ў Віцебскі сьледчы ізалятар №2.

Як паведаміў адвакат Пётар Каваленка, стаўленьне да Дзяніса Дзянісава ў сьледчым ізалятары “нармальнае, на дрэнныя ўмовы ён ня скардзіцца”. Адвакат паведаміў, што ягоны падабаронны віны не прызнае. “Будзем дамагацца зьмены ўтрыманьня для Дзяніса”, — сказаў адвакат Каваленка. Ён лічыць, што перспектывы ў абароне кліента добрыя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international