У Лідзе міліцыя забараніла малітву на магіле паўстанца 1863-64 гг.

Міліцыянты сьпісалі ў прысутных пашпартныя дадзеныя й загадалі разысьціся.

Лідзкая міліцыя перашкодзіла ў аўторак ва ўшанаваньні памяці удзельніка паўстаньня 1863-64 гг. ксяндза Адама Фалькоўскага. Ускласьці кветкі да магілы паўстанца й запаліць зьнічы зьбіраліся сябры Таварыства польскай культуры лідзкай зямлі.

Каля 19 гадзіны невялікая група дзеячоў арганізацыі сабралася ў мясцовым парку, дзе знаходзіцца магіла кс. Фалькоўскага. Як толькі старшыня Тварыства Аляксандар Калышка пачаў казаць прамову, да грамады падыйшлі чатыры супрацоўнікі міліцыі. Яны заявілі, што ў парку адбываецца недазволенае мерапрыемства й сьпісалі ў прысутных дадзеныя. Адзін зь міліцыянтаў здымаў акцыю на відэакамэру.

Калі Калышка спытаў, ці можна хаця б памаліцца ля магілы сьвятара, міліцыянты адказалі, што й гэта забаронена й загадалі прысутным разысьціся