Андрэй Гайдукоў сустрэўся з адвакатам

2013 2013-01-23T13:47:41+0300 1970-01-01T03:00:00+0300 be

Арыштаваны КДБ моладзевы актывіст з Наваполацка Андрэй Гайдукоў сустрэўся з адвакатам у следчым ізалятары КДБ у Менску. Па словах яго маці Вольгі Гайдуковай, трымаецца ён нармальна, выглядае добра, са здароўем праблем не мае. У рэшце рэшт атрымаў пасылку ад родных. Таксама пачаў атрымліваць газеты, на якія яго падпісалі родныя. Гэта "Народная Воля", "Белгазета" і "Наша Ніва".

Па звестках маці, ніякіх следчых дзеянняў з яе сынам у апошні час не праводзіцца. Яна кажа, што пазіцыя Андрэя не мяняецца – ён не прызнае сваёй віны. 23-гадовы Гайдукоў абвінавачваецца ў здрадзе дзяржаве ў форме вядзення агентурнай дзейнасці.

– У яго сваё меркаванне, ён у апазіцыя. Гэта ўсё, а якая віна! Ніхто з нашага бліжэйшага атачэння і наогул ніхто з разважных людзей, па-мойму, у гэта не верыць. Гэта смешна проста. Што там лепяць мы не ведаем, вядома. Віну сваю ён не прызнае і не прызнае, нават калі там невядома пад якім ціскам нешта будзе, то ніхто ў гэта ўсё роўна не паверыць, тым больш што мы бацькі нават не сумняваемся ў тым, што ён не вінаваты.

КДБ раней заяўляў, што Гайдукоў быў затрыманы ў момант закладкі тайніку са звесткамі палітычнага і эканамічнага характару, якія цікавяць замежныя спецслужбы.

Гайдукоў працаваў на Наваполацкім нафтаперапрацоўчым заводзе. Адначасова займаўся грамадскай дзейнасцю. Быў адным са стваральнікаў "Саюзу маладых інтэлектуалаў". Падчас прэзідэнцкіх выбараў уваходзіў у каманду Андрэя Саннікава.

Па крымінальнай справе ў якасці падазраваемага таксама праходзіць сябра Гайдукова і ўдзельнік "Саюзу маладых інтэлектуалаў" Ілля Багданаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international