Міклашэвіч: Мараторый на смяротнае пакаранне — пытанне адкрытае

2013 2013-01-23T12:58:30+0300 1970-01-01T03:00:00+0300 be

Пра гэта старшыня Канстытуцыйнага суда заявіў 23 студзеня на прэс-канферэнцыі ў Мінску.

Чыноўнік падкрэсліў, што мэтазгоднасць смяротнага пакарання актыўна дыскутуецца ў грамадстве. Беларусь застаецца адзінай краінай у Еўропе, у якой злачынцаў працягваюць расстрэльваць. Праз гэта нашая краіна не можа быць прынятая ў Савет Еўропы.

Разам з тым, Міклашэвіч адзначыў, што на дадзены момант Канстытуцыйны суд не займаецца пытаннем мараторыя:

Пётр Міклашэвіч: "Пазіцыя Канстытуцыйнага суда застаецца нязменнай. Калі будзе зварот да нас пра механізм, якім чынам можа быць уведзены мараторый — мы падрыхтуем адпаведнае заключэнне". 
Нагадаем, грамадзяне Беларусі маюць права звяртацца ў Канстытуцыйны суд па праверку законаў на адпаведнасць Канстытуцыі толькі ўскосна — праз упаўнаважаных для гэтага суб'ектаў. Да іх належаць прэзідэнт, абедзве палаты парламента, Вярхоўны і Гаспадарчы суды, а таксама Савет міністраў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international