Гарвыканкам запатрабаваў ад недзяржаўнай газэты “Бабруйскі кур’ер” стварыць першасную арганізацыю Беларускага рэспубліканскага таварыства ратаваньня на вадзе колькасьцю, роўнаю штатнаму складу

2007 2007-02-28T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кіраўніцтва найстарэйшага гарадзкога выданьня атрымала адпаведнае распараджэньне , падпісанае новым старшынём гарвыканкама Дзьмітрыем Бонахавым, паведаміла прэс-служба Асамблеі НДА.

Згодна з загадам “зьверху”, суполка ратавальнікаў павінна атрымаць у памяшканьні рэдакцыі юрыдычны адрас. Акрамя таго, тлумачыцца, што трэба рабіць далей новастворанай структуры грамадзкай арганізацыі. Да 1 траўня трэба адсправаздачыцца ў аддзел ідэалёгіі гарвыканкама за афармленьне інфармацыйнага стэнда ды збор грашовых “сяброўскіх унёскаў” у памеры адной тысячы рублёў на аднаго працоўнага.

Паводле меркаваньня выконваючага абавязкі рэдактара “Бабруйскага кур’ера” Анатоля Санаценкі, гэта не ёсьць нейкім уціскам менавіта іх газэты. Такія ж загады атрымалі ўсе суб’екты гаспадараньня ў Бабруйску. Пра гэта сьведчыць “шапка” дакумэнта. Ліст раздрукаваны на кампутары, але назва прадпрыемства ўпісаная ад рукі.

“Усё, што мы можам зрабіць – часам падаваць нейкія прафіляктычныя артыкулы ад імя Таварыства ратаваньня на вадзе, – кажа Санаценка. – А прымусовае стварэньне суполкі ляжыць па-за межамі закона”.

Беларускае таварыства ратаваньня на вадзе паводле беларускага заканадаўства мае статус дзяржаўна-грамадзкага аб’яднаньня. Калі грамадзкая арганізацыя можа быць дзяржаўнай, дык і мэтад прыцягненьня туды сябраў можа быць адпаведны: дабраахвотна-прымусовы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international