Чарнобыльская камісія Партыі БНФ зьвярнулася да Віктара Юшчанкі

2007 2007-02-27T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

З ініцыятывы Чарнобыльскай камісіі Партыі БНФ на чале зь Юрасём Меляшкевічам быў дасланы зварот да прэзыдэнта Ўкраіны Віктара Юшчанкі. У звароце да кіраўніка краіны, на тэрыторыі якой адбылася чарнобыльская катастрофа, гаворыцца пра тое, што сёньня ў Беларусі ліквідатары аварыі фактычна пазбаўленыя льготаў у выніку зьмены закона "Аб сацыяльнай абароне грамадзян, якія пацярпелі ад катастрофы на ЧАЭС".

"Нармальнай практыкай стала непрызнаньне сувязі паміж захворваньнямі, на якія хварэюць ліквідатары, і фактам знаходжаньня ў зоне радыяктыўнага забруджваньня, пры гэтым ігнаруюцца аб'ектыўныя навуковыя зьвесткі, якія адназначна пацьвярджаюць наяўнасьць гэтай сувязі, - гаворыцца ў звароце. - А пералік захворваньняў, якія ў прынцыпе могуць быць прызнаныя радыяцыйнаабумоўленымі, пастаянна скарачаецца. Гэта пазбаўляе магчымасьці ліквідатараў-інвалідаў карыстацца законнымі льготамі. Спробы адстаяць свае правы праз суд не даюць вынікаў і ў некаторых выпадках цягнуцца гадамі".

Таксама ў звароце згадваецца праблема таго, што ў Беларусі шырока распаўсюджаная практыка звароту ў гаспадарчы абарот зямель, якія забруджаныя радыёнуклідамі.

Заканчваецца зварот просьбай да Віктара Юшчанкі закрануць чарнобыльскае пытаньне падчас перамоваў з прэзыдэнтам Беларусі.

Падпісалі зварот ліквідатары аварыі на ЧАЭС Аляксандр Валчанін, Васіль Сільверст і Іван Нікітчанка, паведаміла прэс-служба Партыі БНФ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international