21 лютага быў затрыманы за распаўсюд улётак чатырнаццацігадовы Антон Леванеўскі, сын былога палітзьняволенага
23.02.2007.
Увечары Антона Леванеўскага затрымала ахова гарадзенскага рынку “Карона” , калі хлопец раздаваў улёткі з паведамленьнем пра планаваны ў Менску мітынг прадпрымальнікаў. Як паведаміў Валеры Леванеўскі, каб давесьці хлопца да дзяжурнай машыны, адзін з міліцыянтаў надзеў яму на руку кайданкі, якія зьнялі ў машыне. Антона спачатку даставілі ў Ленінскі райаддзел міліцыі Гродна, пратаколу затрыманьня і канфіскацыі ўлётак не складалі. Па прозьбе бацькі, з пастарунку хлопца адвезьлі дадому.Былы палітзьняволены, лідэр прадпрымальніцкага руху Валеры Леванеўскі лічыць парушэньнем ужываньне кайданкоў у дачыненьні да непаўнагадовага. Ён паставіў пытаньне аб узбуджэньні крымінальнай справы супраць міліцыянтаў, якія дапусьцілі незаконныя дзеяньні.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
