Пры зносе драўлянай забудовы ў Гомелі парушалася прыродаахоўнае заканадаўства

2013 2013-01-08T12:51:36+0300 1970-01-01T03:00:00+0300 be http://spring96.org/files/images/sources/gomel-draul-damy..jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пры руйнаванні драўлянай забудовы ў цэнтры Гомеля парушалася прыродаахоўнае заканадаўства. Гэта вынікае з адказу, які атрымаў на сваю заяву жыхар Гомеля Кастусь Жукоўскі. Нагадаем, у цэнтры Гомеля, нягледзячы на пратэст грамадскасці, руйнуецца ўнікальная драўляная забудова. Актывісты розных грамадскіх арганізацый - «Талакі», «ТБМ», неабыякавыя грамадзяне спрабуюць пераканаць улады захаваць дамы, упрыгожаныя драўлянымі карункамі, уласцівымі толькі для паўднёва-ўсходняга рэгіёну Палесся, надаць ім статус гісторыка-культурнай каштоўнасці.

З Гомельскай гар-раённай інспекцыі прыродных рэсурсаў і аховы навакольнага асяроддзя на сваю заяву Кастусь Жукоўскі атрымаў адказ, што пры зносе дамоў на вуліцы Валатаўской устаноўлены факт спальвання адходаў ад разборкі будынкаў. За парушэнне патрабаванняў абыходжання з адходамі індывідуальны прадпрымальнік прыцягнуты да адміністрацыйнай адказнасці – штрафу ў памеры 500 тысяч рублёў.

Гомельская гар-раённая інспекцыя прыроды выказала Кастусю Жукоўскаму падзяку «за чулыя адносіны да навакольнага асяроддзя Гомеля».

Разам з тым, актывісты ўпэўнены, што калі б усе кантралюючыя і праваахоўныя органы, а таксама мясцовыя ўлады звярнулі б пільную ўвагу на знос драўлянага Гомеля, то парушэнняў было б выяўлена вельмі шмат, і не толькі прыродаахоўнага заканадаўства.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international