Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя”- праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.
У гэтым выпуску:
У “Хроніцы пераследу” - найбольш гучныя факты парушэнняў правоў чалавека, зафіксаваныя на мінулым тыдні.
“Падзея тыдня” распавядае пра палітвязеня Мікалая Аўтуховіча, які 7-га студзеня сустрэў сваё 50-годдзе ў Гродзенскай турме. Ветэран афганскай кампаніі, паспяховы прадпрымальнік і дэмакратычны актывіст з Ваўкавыска знаходзіцца за кратамі за сваю грамадскую дзейнасць і барацьбу з карупцыяй.
Госця рубрыкі “Асоба. Дзяржава. Грамадства” – Любоў Максімовіч, старшыня заходнеўкраінскага цэнтру "Жаночыя перспектывы". Гутарка з ёй прысвечана тэме супрацьдзеяння хатняму гвалту. Адпаведны закон дзейнічае ва Украіне з 2001 года. Тым часам беларускія дэпутаты дагэтуль не могуць вызначыцца, ці патрэбны нашай краіне закон "Аб прадухіленні хатняга гвалту".
У музычных паўзах гучаць хіты гурта "Акеан Эльзы".
Слухаць:
