Часопіс Аrche - новая спроба рэгістрацыі

2013 2013-01-04T12:10:53+0300 1970-01-01T03:00:00+0300 be http://spring96.org/files/images/sources/arche1.jpg

Учора прадстаўнік рэдакцыі гісторык Алесь Пашкевіч занёс у Мінінфармацыі дакументы на рэгістрацыю. За апошнія два месяцы гэта другая спроба аднавіць ліцэнзію выдання.

Па словах Пашкевіча, значных зменаў у канцэпцыі выдання не плануецца:"Нейкіх радыкальных пакуль не плануецца. А там — пажывем-пабачым. Усё залежыць ад таго, наколькі нам удасца і ў якім фармаце аднавіць працу".

Прадстаўнік рэдакцыі Алесь Пашкевіч падаў дакументы ў Міністэрства інфармацыі і кажа, што ніякіх пытанняў у Міністэрстве не ўзнікла, дакументы прынялі, цяпер на працягу месяца трэба чакаць адказу.

У сувязі з тым, што папярэдняя спроба рэгістрацыі была няўдалай, цяпер давялося ўнесці ў дакументацыю пэўныя змены, - кажа Алесь Пашкевіч: "Падалі пакет дакументаў. У адпаведнасці з пажаданнем Міністэрства інфармацыі зноў падалі дакументы на перарэгістрацыю. Ніякіх пытанняў да нас не ўзнікла, прынялі".

Нагадаем, што праблемы ў часопіса пачаліся ў верасні 2012 года. Рэдактара выдання Валерыя Булгакава абвінавацілі ў незаконнай прадпрымальніцкай дзейнасці. У кастрычніку ў яго дома арыштавалі больш за 5000 асобнікаў кніг, а ў Дэпартамент фінансавых расследаванняў выклікалі заснавальніка Arche Андрэя Дынько. Пасля гэтага Булгакава вызвалілі ад пасады рэдактара, каб выратаваць часопіс. Тым не менш у той жа дзень ДФР заблакаваў рахункі выдання.

Новым рэдактарам часопіса хацелі зрабіць Пашкевіча. Але Мінінфармацыі заявіла, што ён не пасуе патрабаванням, якія ставяцца перад такой пасадай.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international