Радыё Свабода: Адзін дзень у сям’і палітвязьня Зьмітра Дашкевіча

2007 2007-02-19T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дваццаціпяцігадовы лідэр “Маладога фронту” Зьміцер Дашкевіч ужо шосты месяц знаходзіцца за кратамі. Маладога палітыка асудзілі на паўтара году зьняволеньня за ўдзел у незарэгістраванай арганізацыі. Нядаўна праваабаронцы вылучылі кандыдатуру Зьмітра Дашкевіча на прэмію Робэрта Кенэдзі, якой штогод ганаруюць тых, хто, рызыкуючы сваім жыцьцём, змагаецца за правы чалавека.

Зьміцер Дашкевіч нарадзіўся ў Ельскім раёне Гомельскай вобласьці, але да пяці гадоў жыў на расейскім Далёкім Усходзе – у пасёлку Ягаднае Магаданскай вобласьці. Большую частку жыцьця правёў у райцэнтры Старыя Дарогі Менскай вобласьці, дзе і цяпер жывуць ягоныя бацькі – Вольга і Вячаслаў Дашкевічы. Адзін дзень у сям’і палітвязьня Зьмітра Дашкевіча правёў Севярын Квяткоўскі.

Маці актывіста Вольга Дашкевіч Вольга распавяла, што да іх дайшоў толькі адзін ліст ад сына. А нават той, у якім Зьміцер віншаваў маці з днём нараджэньня, не дайшоў. Пры сустрэчы Зьміцер выказаў меркаваньне, што лісты зьнішчаюцца, бо там апісваюцца ўмовы зьняволеньня ў Шклоўскай турме. Згадваючы эпізод з забаронай на размову па-беларуску ў часе сустрэчы, бацькі Зьмітра Дашкевіча падкрэсьліваюць, што кожнаму слову іх сына можна верыць, бо ён ніколі не хлусіць, паколькі трымаецца біблейскіх запаветаў.

З ліста бацькі палітвязьня даведаліся, што іх сыну дагэтуль не дазваляюць карыстацца грашыма, якія яму дасылалі сваякі і сябры яшчэ ў мінулым годзе. Грошы ляжаць на рахунку, але набыць на іх нічога немагчыма. “Не даюць яму дагэтуль тыя грошы. Ужо напісала яму, хай пагаворыць з тымі начальнікамі, яны ж чыесьці дзеці, у іх таксама ёсьць дзеці. Чаму не дазволіць? Хай бы купіў сабе якіх харчоў у турэмнай краме, у яго ж хворы страўнік,” - распавяла сп. Вольга.

Прачытаць ці паслухаць рэпартаж цалкам можна на старонцы:

www.svaboda.org/articlesfeatures/man/2007/2/59FE84C1-2B4C-4E24-AC62-C56AECDAA2A4.html

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international