З 91 пікета, заяўленага АГП на 19 снежня, забаронена 63

2012 2012-12-17T16:26:45+0300 1970-01-01T03:00:00+0300 be

Пра гэта паведаміла прэс-сакратар АГП Ганна Красуліна. Паводле яе слоў, усе пікеты павінны былі прайсці пад дэвізам: «Укралі выбары, каб прадаць краіну».

Красуліна адзначыла, што за два дні да правядзення пікетаў прыходзяць розныя адмовы. «Скажам, у Магілёўскай вобласці было заяўлена 12 пікетаў, і ўсе 12 забаранілі. А па Мінску мы падавалі заяўкі на 25 пікетаў. Забарона прыйшла толькі на пяць. Мы пакуль чакаем адказы, хоць тэрміны, адпушчаныя чыноўнікам на тое, каб паведаміць пра сваё рашэнне, ужо даўно прайшлі. Чыноўнікі парушаюць заканадаўства, на што мы таксама будзем рэагаваць», — сказала Красуліна.

Чыноўнікі «з вялікай фантазіяй» падышлі да матывіроўкі адмоў, падкрэсліла яна.

«У Вілейцы актывісты заявілі пікет на цэнтральнай алеі горада. Адмову ў правядзенні пікета матывавалі тым, што алея цэнтральнай не завецца. Бабруйскія ўлады асабліва парадавалі, напісаўшы, што «ў асноўных паняццях, якія ўжываюцца ў арт. 2 Закона аб масавых мерапрыемствах, адсутнічае вызначэнне „пікет“, што не дазваляе сапраўды вытлумачыць від масавага мерапрыемства, заяўленага Вамі», — сказала Красуліна.

Аднак галоўным чынам, адзначыла прэс-сакратар АГП, адмова ў пікетах матываваная тым, што месца правядзення акцыі не адпавядае закону аб масавых мерапрыемствах. «Прычым часцей за ўсё без тлумачэнняў, у чым не адпавядае і чаму падчас парламенцкай кампаніі адпавядала, а зараз не», — адзначыла Красуліна.

«У любым выпадку, так ці інакш, партыя будзе інфармаваць людзей аб тым, што выбары ў іх укралі, і аб тым, што іх укралі, каб распрадаць краіну. Акрамя таго, 19 снежня АГП абавязкова нагадае грамадзянам краіны пра разгон шматтысячнай акцыі, якая прайшла два гады таму ў знак нязгоды з афіцыйнымі вынікамі прэзідэнцкіх выбараў. Асабліва будзе засяроджана ўвага на тым, што за кратамі па-ранейшаму застаецца кандыдат у прэзідэнты Мікалай Статкевіч», — заявіла Красуліна.


Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international