Арцёму Пракапенку дазволілі доўгатэрміновае спатканне з бацькамі

2012 2012-12-13T09:12:09+0300 1970-01-01T03:00:00+0300 be

Напрыканцы снежня бацькі палітвязня Арцёма Пракапенкі паедуць да сына на доўгатэрміновае спатканне. Дазвол на яго дала адміністрацыя Магілёўскай калоніі № 15, дзе зараз адбывае пакаранне палітвязень.

Пра гэта Рацыі паведаміла маці зняволенага грамадскага актывіста Віялета Пракапенка.

- На адныя суткі далі. Недзе ў 20-х чыслах. 30 кілаграмаў можна будзе перадаць. З сабой на вынас нічога не дазволілі. 100 тысяч на пакупкі ў краме як было, так і застаецца. І калі ім больш дадуць, не вядома. Доўга не было званкоў. А ўчора патэлефанаваў. Нібыта ўсё спакойна, але па тэлефоне ён нічога не расказвае. Бацька паедзе, то тады можа што праясніцца.

Арцём Пракапенка быў асуджаны разам з Яўгенам Васьковічам і Паўлам Сырамалотавым да 7 гадоў зняволення за спробу падпалу дзвярэй бабруйскага аддзела КДБ. 27 верасня гэтага года Павел Сырамалотаў выйшаў на волю, пасля таго як напісаў прашэнне аб памілаванні на імя Лукашэнкі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international