26 актывістаў незарэгістраванай арганізацыі “Згуртаваньне беларускіх студэнтаў” былі затрымныя супрацоўнікамі міліцыі 11 лютага

12.02.2007.

10 лютага пад Менскам адбылася нефармальная сяброўская сустрэча сябоаў грамадзкай арганізацыі “Згуртаваньне беларускіх студэнтаў”, якая была ліквідаваная ўладамі ў 2003 годзе. Каля 30 чалавек моладзі сабраліся ў аднаго з сяброў у прыватным доме ў вёсцы Лугавая Слабада. Неўзабаве ўварваліся спецназаўцы, міліцынты і людзі ў цывільным. Свае дзеяньні супрацоўікі праваахоўных органаў патлумачылі тым, што да іх паступіла ананімная інфармацыя пра тое, што ў месцы правядзеньня сустрэчы нібыта знаходзіцца выбуховае прыстасаваньне.

Па зьвестках Радыё Свабоды, спачатку актывістаў ЗБС трымалі ў адным пакоі, і міліцыянты казалі ім, што яны не затрыманыя. Але пасьля таго, як былі перапісаныя ўсе прозьвішчы актывістаў, іх адвялі ў аўтазак і даставілі ў райаддзел міліцыі Менскага раёну.

Пасьля таго, як з кожнага ўзялі пісьмовыя тлумачэньні, зьнялі на відэа і правялі дакціласкапію, затрыманых адпусьцілі без складаньня пратаколаў аб правапарушэньні.

Нагадаем, што 4 лютага на прыватнай кватэры былі затрыманы 27 сябраў арганізацыі "Малады Фронт", пад час правядзеньня Цэнтральнай Рады арганізацыі. Зьмітра Хведарука і Алега Корбана трое сутак трымалі ў сьледчым ізалятары КДБ. На сёньняшні дзень яны маюць статус падазраваных у крымінальнай справе за ўдзел у незарэгістраванай арганізацыі.

Дадаць камэнтар

Камэнтары