Гарадзенскі суд не аднавіў на працы звольненага выкладчыка Андрэя Чарнякевіча

2012 2012-12-07T20:28:11+0300 1970-01-01T03:00:00+0300 be http://spring96.org/files/images/sources/charniakevich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

7 снежня ў Гародні ў судзе Ленінскага раёну завяршыўся працэс па грамадзянскай справе гісторыка Андрэя Чарнякевіча. У кастрычніку бягучага году дацэнт Гарадзенскага дзяржаўнага ўніверсітэту імя Янкі Купалы Андрэй Чарнякевіч быў звольнены з працы выкладчыка нібыта за парушэнне працоўнай дысцыпліны. Сваё права на працу гісторык паспрабаваў давесці праз суд. Ён патрабаваў аднаўлення яго на пасадзе. Разгляд справы, які вяла суддзя Людміла Жукоўская, расцягнуўся ажно на 5 паседжанняў.

7 снежня на працэсе з заключным словам выступілі Андрэй Чарнякевіч і яго адвакат, а таксама бок адказчыка, пасля чаго быў абвешчаны перапынак. Затым было зачытана рашэнне – суддзя прагназавана прызнала загад універсітэту пра звальненне законным.

Агульную сітуацыю і вынік судовага працэсу каментуе Андрэй Чарнякевіч: “Сутнасць справы палягала ў тым, каб давесці неадпаведнасць нязначных парушэнняў меры пакарання. Складанасць была ў тым, што ў сваім судовым звароце мы былі абмежаваны толькі фармальным бокам справы. Сапраўдная ж сутнасць майго звальнення, звязаная з выхадам падручніка “Гродназнаўства” і удзелам у гістарычнай перадачы “Імёны Гародні” на Беларускім Радыё Рацыя, фактычна была пад забаронай і не разглядалася. Усе спробы звярнуць увагу суда на сувязь паміж “забароненай” кнігай і звальненнем сталіся марнымі. Рашэнне суду было прадказальным, аднак заставалася нейкае спадзяванне на адэкватны разгляд сітуацыі, які б дазволіў аднавіць справядлівасць”.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international