У Шклове былых зняволеных прымусілі прыбіраць парк

2012 2012-12-07T11:58:32+0300 1970-01-01T03:00:00+0300 be http://spring96.org/files/images/sources/sialgaspraca.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Напрыканцы лістапада ў Шклоўскім раённым аддзеле ўнутраных спраў у межах акцыі “Крок насустрач”, накіраванай на сацыялізацыю раней судзімых жыхароў раёна, прайшоў “Кірмаш вакансій”. У мерапрыемстве прынялі начальнік РАУС Аляксандр Піменаў, пракурор Шклоўскага раёна Дзмітрый Лянчэўскі, намеснік начальніка ўпраўлення па працы, занятасці і сацыяльнай абароне райвыканкама Мікалай Яроміч, а таксама жыхары Шклоўскага раёна, якія знаходзяцца на ўліку ў крымінальна-выканаўчай інспекцыі.

Падчас сустрэчы міліцэйскія і райвыканкамаўскія чыноўнікі распавялі пра маючыеся ў раёне працоўныя вакансіі, пасля для ўсіх прысутных на мерапрыемстве быў прадэманстраваны фільм “Свет у канцы тунэля”.

Ну а пасля завяршэння параднай часткі мерапрыемства ўсіх раней судзімых асоб, якія прысутнічалі на сустрэчы, адправілі на “дабрачынныя” работы – прыбіраць тэрыторыю гарадскога парку. Зразумела, што згоды на ўдзел у “дабрачынных” работах ніхто ў былых зняволеных не пытаўся. Яны проста былі пастаўлены перад фактам.

Як паведамляе раённая газета “Ударны фронт”, падобныя акцыі ў раённым аддзеле ўнутраных спраў райвыканкама праводзяцца штомесячна, райаддзелам прынятае рашэнне працягнуць працу ў дадзеным накірунку і ў будучым 2013 годзе.

На сённяшні дзень колькасць непрацуючых былых зняволеных у Шклоўскім раёне складае 39 чалавек, у гэтым годзе было працаўладкавана 22 чалавекі. Усяго на ўліку ў крымінальна-выканаўчай інспекцыі Шклоўскага РАУС знаходзіцца 361 грамадзян, маючых судзімасць, а таксама асуджаных да пакаранняў, не звязаных з ізаляцыяй ад грамадства.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international