Міжнародны марафон падтрымкі Алеся Бяляцкага (фота, відэа)

2012 2012-12-07T22:12:00+0300 1970-01-01T03:00:00+0300 be http://spring96.org/files/images/sources/amnesty_for_ales-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Міжнародны марафон падтрымкі Алеся Бяляцкага

Міжнародны марафон падтрымкі Алеся Бяляцкага

Глабальную акцыю ў падтрымку палітвязня, старшыні Праваабарончага цэнтра “Вясна” і віцэ-прэзідэнта Міжнароднай федэрацыі за правы чалавека (FIDH), распачынае праваабарончая арганізацыя Amnesty International.

Міжнародны марафон па напісанні лістоў Amnesty International пройдзе з 7 па 16 снежня пад лозунгам “Пішам за правы! Даможамся пераменаў!”. Каб прыняць удзел у марафоне, кожны жадаючы можа спампаваць паштоўку для Алеся Бяляцкага (на сайце  арганізацыі яна ёсць на пяці мовах – англійскай, іспанскай, рускай, французскай, арабскай), раздрукаваць і даслаць палітвязню. 

Відэа, у якім распавядаецца пра беларускага праваабаронцу, зняволенага за сваю дзейнасць, перакладзена на 11 моваў.

Акрамя таго, Amnesty International заклікае ўдзельнікаў марафону падпісацца пад петыцыяй, адрасаванай беларускім уладам, азнаёміўшыся перад гэтым з гісторыяй Алеся Бяляцкага:

"Алесь Бяляцкі - бачны праваабаронца з Беларусі і старшыня Праваабарончага цэнтру "Вясна". Яго арыштавалі 4 жніўня 2011 г., а 24 лістапада 2011 г. Алеся Бяляцкага прысудзілі да чатырох з паловай гадоў пазбаўлення волі. Amnesty International мяркуе, што яго кінулі ў турму, каб перашкодзіць яму абараняць правы чалавека, і лічыць яго вязнем сумлення.

Алеся Бяляцкага пазбавілі волі за тое, што яго асабістыя банкаўскія рахункі ў Літве і Польшчы выкарыстоўваліся для фінансавання праваабарончай дзейнасці яго арганізацыі ў Беларусі. Беларускія ўлады з 2003 г. адмаўляюць Праваабарончаму цэнтру "Вясна" ў рэгістрацыі. У выніку гэтая арганізацыя не мае права адкрыць уласны банкаўскі рахунак у Беларусі, і ёй нічога не застаецца, акрамя як карыстацца банкаўскімі рахункамі ў суседніх краінах для фінансавання сваёй праваабарончай дзейнасці.

Суд над Алесем Бяляцкім не быў справядлівым. Шэраг прадстаўленых доказаў не праходзілі праверку на сапраўднасць, а некаторыя паказанні даваліся ананімна. Пытанні, зададзеныя сведкам, у пэўных выпадках мелі дачыненне не да прад’яўленых абвінавачванняў, а да праваабарончай дзейнасці Алеся Бяляцкага і саміх сведак.

Выкажыце салідарнасць з Алесем Бяляцкім, напісаўшы ўладам Беларусі ліст у яго падтрымку!"

Міжнародны марафон па напісанні лістоў - штогадовая праваабарончая акцыя Amnesty International, якая праходзіць па ўсім свеце ў снежні. Марафон прымеркаваны да Дня правоў чалавека 10 снежня - менавіта ў гэты дзень у 1948 годзе Генеральная Асамблея ААН прыняла Усеагульную дэкларацыю правоў чалавека. Кожны год у гэты час сотні тысяч людзей з розных краінаў выступаюць у абарону тых, чые правы сур'ёзна парушаюцца ўладамі.

Сёлетнім марафонам Amnesty International прыцягвае ўвагу міжнароднай грамадскасці да лёсаў чатырох асобаў – беларускага праваабаронцы-вязня Алеся Бяляцкага, Хусэйна Салема Махамеда Альмерфедзі, які з 2003 года ўтрымліваецца на ваенна-марской базе ЗША ў Гуантанама-Бей, Чыоу Хо-Шунь, які з 1989 года знаходзіцца ў тайваньскай камеры смяротнікаў, іранскай праваабаронцы Наргез Махамадзі, асуджанай да 6 гадоў пазбаўлення волі, а таксама суданскай моладзевай арганізацыі “Гірыфна” ("З нас хопіць!"), сябры якой пераследуюцца з 2009 года. Пра іх гісторыі можна даведацца на сайце арганізацыі.

Міжнародны марафон падтрымкі Алеся Бяляцкага (фота, відэа)
Міжнародны марафон падтрымкі Алеся Бяляцкага

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international