Аляксею Паўлоўскаму не дазволілі зняць копію з матэрыялаў судовай справы

2012 2012-12-05T14:22:31+0300 1970-01-01T03:00:00+0300 be http://spring96.org/files/images/sources/paulouski_aliaksej.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксей Паўлоўскі, актывіст незалежнага прафсаюза РЭП

Аляксей Паўлоўскі, актывіст незалежнага прафсаюза РЭП

Суддзя Ленінскага раёна Магілёва Юлія Трапыніна не дазволіла сфатаграфаваць матэрыялы справы цяжбы актывіста незалежнага прафсаюза РЭП з Магілёўскім домабудаўнічым камбінатам.

Аляксей Паўлоўскі кажа, што суддзя нічым сваё рашэнне не матывавала, а паступіла так, як ёй уздумалася.

“Яна напісала на маёй заяве – азнаёміць мяне без дазволу фатаграфаваць дакумент. Думаю, што яна замінае мне ў падрыхтоўцы касацыйнай скаргі. Прайшло ўжо сем дзён і яна, верагодна, робіць усё дзеля таго, каб я не паспеў падаць касацыю ў Магілёўскі абласны суд, каб абскардзіць яе незаконныя дзеянні і належным чынам азнаёміцца з матэрыяламі справы. З гэтай нагоды я зрабіў запіс у кнігу скаргаў суда Ленінскага раёна”, - гаворыць Аляксей Паўлоўскі.

Прафсаюзны актывіст адзначае, што ў суддзе з ДБК суддзя Юлія Трапыніна адмовіла ва ўсіх хадайніцтвах, у тым ліку не быў дапушчаны ў якасці прадстаўніка ад незалежнага прафсаюза РЭП праваабаронца Барыс Бухель. Не былі выкліканы ў суд сведкі, якія падпісалі пратакол працоўнага сходу аб нязгодзе з працаўладкаваннем Аляксея Паўлоўскага, было адмоўлена ў прадастаўленні з адказчыка арыгінала пратаколу гэтага сходу, таксама не быў прадастаўлены штатны расклад спецыяльнасці муляроў гэтай будаўнічай арганізацыі.

Праваабаронца Барыс Бухель адзначае, што суддзя Юлія Трапыніна парушыла тры артыкулы Грамадзянска-працэсуальнага кодэкса – артыкул 18 “Дыспазітыўнасць”, артыкул 56 “Правы і абавязкі юрыдычна зарэгістраваных у выніку спраў асоб” і артыкул 61 “Працэсуальныя правы бакоў”.

“У гэтых артыкулах дакладна прапісана, што здымаць копіі з матэрыялаў справы можна. Там толькі не пазначана якім шляхам. Ёсць абмежаванні, калі справы закрытыя, аднак гэта не датычыцца справы Аляксея Паўлоўскага. Дагэтуль усе суддзі дазвалялі фатаграфаваць матэрыялы справы, у тым ліку гэта рабіла і суддзя Трапыніна. Я лічу, што яна разумее, што справа “шыта белымі ніткамі” і пры фатаграфаванні ўсё ўсплыве на вонкі і не будзе магчымасці гэта стаіць”, - гаворыць праваабаронца.

Нагадаем, што Аляксей Паўлоўскі чатыры разы спрабаваў працаўладкавацца па накіраванні цэнтра занятасці на Магілёўскі домабудаўнічы камбінат у якасці муляра 5-га разраду. Два разы яму адмовілі з-за таго, што арганізацыі не былі патрэбныя муляры з такім разрадам, а патрабаваліся спецыялісты з 6-м. Яшчэ два разы прафсаюзнаму актывісту адмовілі ў працаўладкаванні “праз нязгоду працоўнага калектыву”. Такі запіс быў зроблены супрацоўніцай аддзелу кадраў ДБК у накіраванні цэнтра занятасці.

Аляксей Паўлоўскі ўбачыў у нежаданні ДБК яго працаўладкоўваць працоўную дыскрымінацыю і звярнуўся ў суд. Праз суд ён хацеў уладкавацца на працу ў ДБК і спагнаць з прадпрыемства суму ў памеры амаль 21 мільён рублёў за вымушаны прагул з моманту першай спробы працаўладкавання. Суддзя Юлія Трапыніна пазоў прафсаюзнага актывіста не задаволіла.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international