Гарадзеншчына: уладам не дае спакою ўшанаванне памяці паўстанцаў 1863 году

2012 2012-12-05T14:01:00+0300 1970-01-01T03:00:00+0300 be http://spring96.org/files/images/sources/saranchukou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Гродзенскай гарадской арганізацыі Партыі БНФ Вадзім Саранчукоў

Старшыня Гродзенскай гарадской арганізацыі Партыі БНФ Вадзім Саранчукоў

Уладам Гарадзеншчыны не дае спакою святкаванне Дня памяці паўстанцаў 1863 году, якое адбылося ў Свіслацкім раёне 27 кастрычніка бягучага году.

Супрацоўнікі міліцыі працягваюць шукаць удзельнікаў урачыстасці, пераследуючы іх у адміністратыўным парадку. Так, 4 снежня з адміністратыўнымі пратаколамі міліцыянты азнаёмілі старшыню Гарадзенскай арганізацыі Партыі БНФ Вадзіма Саранчукова і сябра рады гарадской структуры ПБНФ Ірыну Данілоўскую. Напэўна, абодвух неўзабаве чакае выклік у Свіслацкі раённы суд.

Нагадаем, што 27 кастрычніка за выкарыстанне нацыянальнай сімволікі былі затрыманыя чатыры чалавекі з розных гарадоў, трое з якіх былі засуджаны да адміністратыўных арыштаў, яшчэ адзін – да штрафу. Пазней за нібыта ўдзел у несанкцыянаваным мерапрыемстве былі аштрафаваныя трое свіслацкіх грамадскіх актывістаў – Віктар Дзесяцік, Юрый Глебік і Анатоль Валюк, яны зараз абскарджваюць рашэнне раённага суду ў абласным.

Сітуацыю каментуе праваабаронца Віктар Сазонаў: “Наступны 2013 год грамадскасць збіраецца адзначаць пад эгідай 150-ых угодкаў з часу нацыянальна-вызвольнага паўстання. Відаць, улады прэвентыўна хочуць перашкодзіць гэтаму святкаванню. Тое, што адбываецца зараз вакол Дня памяці паўстанцаў у Свіслачы, з юрыдычнага гледзішча проста абсурд – па логіцы ўладаў людзі не маюць права знаходзіцца ў сваім горадзе, не маюць права прыехаць і ўскласці кветкі да помнікаў. Гэта абсалютна незаконная дыскрымінацыя грамадзянаў. З палітычнага ж і маральнага боку гледжання сітуацыя выглядае яшчэ горш – у 1863 годзе беларускія землі былі пад акупацыяй чужой дзяржавы, зараз жа маем суверэнную Рэспубліку Беларусь, у якой пераследуецца найперш тытульная нацыя – беларусы”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international